Το κορίτσ’ ντ’ εγάπανα

Προβολή Τραγουδιού

Στιχουργοί: Adem Ekiz, Νίκος Μιχαηλίδης

Καλλιτέχνες: Adem Ekiz, Νίκος Μιχαηλίδης, Φίλιππος Κεσαπίδης

Το κορίτσ’ ντ’ εγάπανα
αξάν αγαπώ ατο
Πάντα σο νου μ’ έχ’ ατο,
θέλω ν’ ανασπάλ’ ατό -ι

Ανάθεμα την Πόλη,
τ’ έμορφα τα κορτσόπα -ι
Την καρδία μ’ έκαψαν
τη πουλί’ μ’ τ’ ομματόπα -ι

Πουλί μ’, έρθες κι επήες
άμον κρύος άνεμος
Πορπατώ απέσ’ σα στράτας,
γιαβρί μ’, άμον παλαλός

Έι! κορίτσ’, ντ’ εποίκες με
’κ’ επορώ να κοιμούμαι
Κάθαν βράδον νουνίζω
πάω να παλαλούμαι

Ανάθεμα το σόι σ’,
ανάθεμα το χώμα σ’
Αούτ’/ατό ντο αίμαν έτον
ντο κουβαλείς στο αίμα σ’

Για τ’ εσέναν τραγωδώ
και παίζω την κεμεντζ̌έ μ’
Ν’ ακούς, πουλί μ’, και να κλαις
μετ’ αούτο την καϊτέ μ’

Ψαλαφώ άμον γυρευός
κι εσέναν να γυρεύω
Σ’ όλια τα καϊτέδες ι-μ’
[γιαρ] εσένα αραεύω

Σην τσ̌έπη μ’ λεφτοκάρυ͜α
θαρρούν είναι παράδες
Τ’ έμορφα τα κορτσόπα
αγαπούν χοβαρτάδες

Παίξον, κεμεντζ̌έ μ’, παίξον
καρίπ’κα τραγωδίας
Ν’ ακούουνε και να κλαίν’
τα καμένα καρδίας

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ανασπάλ’	ξεχάσω/ει
αξάν	ξανά, πάλι
αούτ’	αυτός/ή/ό/ά
αούτο	αυτό/ή
απέσ’	μέσα
αραεύω	ψάχνω, αναζητώ, γυρεύω	aramak
βράδον	βράδυ
γιαβρί	μωρό, μικρό, παιδί	yavru
γιαρ	αγαπητός/ή/ό, αγάπη	yâr
γυρευός	επαίτης, ζητιάνος
γυρεύω	επαιτώ, ζητιανεύω
εγάπανα	αγαπούσα
έμορφα	όμορφα
επήες	πήγες
εποίκες	έκανες, έφτιαξες	ποιέω-ῶ
επορώ	μπορώ
έρθες	ήρθες
έτον	ήταν
’κ’	δεν	οὐκί<οὐχί
κάθαν	κάθε
καϊτέ	μελωδία, μουσική σύνθεση, μουσικός σκοπός	kayde
καϊτέδες	μελωδίες, μουσικές συνθέσεις, μουσικοί σκοποί	kayde
Καμένα	περιοχή κοντά στην Παναγία Σουμελά
καρδίας	(τη, γεν.) καρδιάς, (τα, ονομ. πληθ.) καρδιές
καρίπ’κα	μοναχικά, ερημικά	garip/ġarīb
κεμεντζ̌έ	λύρα	kemençe/kemānçe
κοιμούμαι	κοιμάμαι
κορτσόπα	κοριτσάκια
κρύος	κρύο, ψύχος
λεφτοκάρυ͜α	λεπτοκάρυα, φουντουκιές, φουντούκια	λεπτο- + κάρυον
μετ’	μαζί με (με αιτιατική), με (τρόπος)
νουνίζω	σκέφτομαι
όλια	όλα
ομματόπα	ματάκια
παίξον	(προστ.) παίξε
παλαλός	τρελός, ανόητος
παλαλούμαι	τρελαίνομαι
παράδες	λεφτά, χρήματα	para/pāre
πορπατώ	περπατάω
πουλί’	πουλιού
στράτας	(ονομ.) δρόμοι, (αιτ.) δρόμους
τραγωδίας	τραγούδια
τραγωδώ	τραγουδάω
χοβαρτάδες	άσωτοι, σπάταλοι, γυναικοθήρες, μοίχοι	hovarda
ψαλαφώ	ζητώ, αιτούμαι