Προβολή Τραγουδιού
Βάσταξον, καρδι͜ά μ’, βάσταξον |
Ποντιακό γλέντιΣτιχουργοί: Πόλιος Παπαγιαννίδης, Χρήστος Αντωνιάδης
Συνθέτες: Παραδοσιακό, Πόλιος Παπαγιαννίδης
Καλλιτέχνες: Γιάννης Κουρτίδης, Παναγιώτης Κογκαλίδης
Βάσταξον, καρδι͜ά μ’, βάσταξον κάμποσα χρόνια κι άλλο Όπως βαστούνε τα ραχ̌ία την βαρυχ̌ειμωνίαν Όπως βαστούνε τα δεντρά την παραγρανεμίαν Όπως βαστάζ’ ο ουρανόν εκείνα όλι͜α τ’ άστρα Όπως βαστάζ’ η θάλασσα τη κοσμί’ τα καράβι͜α Όπως βαστάζ’ το χάλκωμαν ση καζαντζ̌ή τα χ̌έρι͜α Όπως βαστάζ’ το σίδερον σην βαρυτσ̌ακουτσ̌έαν Βάσταξον, καρδι͜ά μ’, βάσταξον, αν θέλεις κι αν ’κι θέλεις Βάσταξον, καρδι͜ά μ’, βάσταξον, αν θέλεις κι αν ’κι θέλεις ♫ Τερέστεν τ’ ομματόπα μου ντο έσταξαν τον τόπον Εκεί χορτάρ’ ’κ’ εφύτρωσεν, εξέβεν τσ̌ιτσ̌ακόπον Ατείν’ που εβοήθεσαν τ’ οσπίτι μ’ να χαλάν’νε Ας ση καντήλας το φιτίλ’ άψιμον να πιάν’νε
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| ατείν’ | αυτοί | ||
| άψιμον | φωτιά | ||
| βαρυτσ̌ακουτσ̌έαν | δυνατή σφυριά | βαρύν + çekiç | |
| βαρυχ̌ειμωνίαν | βαρυχειμωνιά | ||
| βάσταξον | (προστ.) βάσταξε, άντεξε, κράτα | ||
| εξέβεν | βγήκε, ανέβηκε | ||
| ’κ’ | δεν | οὐκί<οὐχί | |
| καζαντζ̌ή | λεβητοποιού, κατασκευαστή καζανιών | kazancı | |
| καντήλας | (τη, γεν. ενικ.) καντήλας, (τα, ονομ. πληθ.) καντήλες | ||
| ’κι | δεν | οὐκί<οὐχί | |
| κοσμί’ | κόσμου | ||
| ομματόπα | ματάκια | ||
| οσπίτι | σπίτι | hospitium<hospes | |
| παραγρανεμίαν | υπερβολικά δυνατός άνεμος | ||
| πιάν’νε | πιάνουν | ||
| ραχ̌ία | ράχες, βουνά | ||
| τερέστεν | (προστ.) κοιτάξτε | ||
| τσ̌ιτσ̌ακόπον | λουλουδάκι | çiçek | |
| φιτίλ’ | φιτίλι | fitil/fetīl | |
| χαλάν’νε | χαλούν, καταστρέφουν | ||
| χάλκωμαν | χάλκινο σκεύος | ||
| χορτάρ’ | χορτάρι |
