Έβγα σο παραθύρι σ’

Προβολή Τραγουδιού

Στιχουργοί: Μιχάλης Καλιοντζίδης, Παραδοσιακό

Συνθέτες: Γιώργος Κόρος, Παραδοσιακό

Καλλιτέχνες: Γιώργος Κόρος, Μιχάλης Καλιοντζίδης

Όντες σην πόρτα σ’ έρχουμαι,
έβγα σο παραθύρι σ’
Τ’ έναν το χ̌έρι μ’ σην λάμπαν,
τ’ άλλο σο καρακίδιν

Άλλο σην πόρτα σ’ ’κ’ έρχουμαι,
οξ̌ουκέσ’ ’κι δι͜αβαίνω
Δι͜αβάτης κι αν επέρασα,
ρίζα μ’, θ’ απιδι͜αβαίνω

Ρίζα μ’, τ’ ομούτι͜α μ’ ’κ’ έκοψα,
ακόμαν αναμένω
Σο μεσοστράτι σ’ επέμ’να
και την ὲλα σ’ περ’μένω

Γλωσσάρι

Κείμενο	Επεξήγηση	Ετυμ. Ρίζα
απιδι͜αβαίνω	φεύγω, αφήνω πίσω, προσπερνώ, ξεπερνώ	από + διαβαίνω
δι͜αβαίνω	(για τόπο) περνώ, διασχίζω, (για χρόνο) περνώ	διαβαίνω
έβγα	(προστ.) βγες
ὲλα	ερχομός, άφιξη
επέμ’να	απόμεινα
έρχουμαι	έρχομαι
’κ’	δεν	οὐκί<οὐχί
καρακίδιν	μάνταλο πόρτας
’κι	δεν	οὐκί<οὐχί
μεσοστράτι	μέση του δρόμου
ομούτι͜α	ελπίδες	umut
όντες	όταν
οξ̌ουκέσ’	έξω εκεί πέρα
περ’μένω	περιμένω