Τραπεζούντα

Προβολή Τραγουδιού

Υπερατλαντικός ποντιακός σεισμός με 13 λυρ-ρίχτερ!

Καλλιτέχνες: Γιάννης Απαζίδης, Σταύρος Πετρίδης

Τρανόν κακόν σα μέρι͜α μουν,
Δευτέρα Παρουσία
Ο Πόντον όλιον καίεται
και -ν- η Μικρά Ασία

Ατείν’ οι αθεόφοβοι
να ρούζ’νε να μη σ’κούνταν
Εκάρφωσαν τ’ ομμάτι͜α τουν
απάν’ σην Τραπεζούνταν

Ατείν’ οι αθεόφοβοι
εθέλ’νανε μερίδαν
Εντώκαν και -ν- επέρανε
τον Πόντον την πατρίδα μ’

Τα δάκρυ͜α μ’ τρέχ’νε άμον ποτάμ’
για τ’ εσέν, Τραπεζούντα
Για τ’ εσέν και για τ’ εμετέρτς
π’ ερρούξαν και ’κι σ’κούνταν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
ατείν’	αυτοί
εθέλ’νανε	ήθελαν
εμετέρτς	ημέτερους, δικούς μου (ανθρώπους)	ἡμέτερος
εντώκαν	χτύπησαν
επέρανε	πήραν
ερρούξαν	έπεσαν
καίεται	καίγεται
’κι	δεν	οὐκί<οὐχί
μέρι͜α	μέρη
μουν	μας
όλιον	όλο, ολόκληρο
ομμάτι͜α	μάτια
ποτάμ’	ποτάμι
ρούζ’νε	πέφτουν
σ’κούνταν	σηκώνονται
τουν	τους
τρέχ’νε	τρέχουν