Προβολή Τραγουδιού
Αφιέρωμα σον πατέρα |
Υπερατλαντικός ποντιακός σεισμός με 13 λυρ-ρίχτερ!Στιχουργοί: Χρήστος Παρχαρίδης
Συνθέτες: Σταύρος Πετρίδης
Καλλιτέχνες: Γιάννης Απαζίδης, Σταύρος Πετρίδης
Πατέρα, τρανόν τ’ όνομα σ’, άλλο τρανόν η αγάπε σ’ Εγώ εσέν ’κ’ εχάρα σε, επέθανες κι εχάθες Έκιτι κόσμος άκλερος, θάνατος να μη έτον! Σιμά σ’ εσέν, πατέρα μου, ’κ’ εγνώρτσα πίκρα ντ’ έτον Πατέρα, ’κι ανασπάλλω σε, πάντα μετ’ εσέν είμαι! Εγώ με τ’ εσόν τ’ όνομαν βραδύν’, κείμαι και σ’κούμαι Έκιτι κόσμος άκλερος, θάνατος να μη έτον! Σιμά σ’ εσέν, πατέρα μου, ’κ’ εγνώρτσα πίκρα ντ’ έτον Το στήριγμαν απέσ’ σ’ οσπίτ’, καμίαν κα’ ’κ’ εντούνες Την ψ̌η σ’ πα να εραεύα εκείνον πα θ’ εδούνες Έκιτι κόσμος άκλερος, θάνατος να μη έτον! Σιμά σ’ εσέν, πατέρα μου, ’κ’ εγνώρτσα πίκρα ντ’ έτον Πατέρα, εσύ εμάτσες με τον εαυτό μ’ να ωρι͜άζω Να είμαι καλός άνθρωπος, καν’νάν να μη χολιάζω Έκιτι κόσμος άκλερος, θάνατος να μη έτον! Σιμά σ’ εσέν, πατέρα μου, ’κ’ εγνώρτσα πίκρα ντ’ έτον Το ψ̌όπο σ’ σον παράδεισον θα έρχουμ’ αραεύω Ως που να ζω απάν’ ση γην εσέναν θα λατρεύω Έκιτι κόσμος άκλερος, θάνατος να μη έτον! Σιμά σ’ εσέν, πατέρα μου, ’κ’ εγνώρτσα πίκρα ντ’ έτον
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άκλερος | άκληρος, φτωχός, δύστυχος, ταλαίπωρος | ||
| ανασπάλλω | ξεχνώ | ||
| απάν’ | πάνω | ||
| απέσ’ | μέσα | ||
| αραεύω | ψάχνω, αναζητώ, γυρεύω | aramak | |
| βραδύν’ | βραδιάζει | ||
| εγνώρτσα | γνώρισα | ||
| έκιτι | έκφραση αναπόλησης που υποδηλώνει νοσταλγία για κάτι παρελθοντικό | hey gidi | |
| εμάτσες | έμαθες, δίδαξες | μαθίζω | |
| εντούνες | χτυπούσες, στερέωνες | ||
| επέθανες | πέθανες | ||
| έρχουμ’ | ερχόμουν | ||
| εσόν | δικός/ή/ό σου | ||
| έτον | ήταν | ||
| εχάθες | χάθηκες | ||
| εχάρα | χάρηκα | ||
| ’κ’ | δεν | οὐκί<οὐχί | |
| κα’ | κάτω | ||
| καμίαν | ποτέ | ||
| καν’νάν | κανέναν | ||
| κείμαι | κείτομαι, ξαπλώνω | ||
| ’κι | δεν | οὐκί<οὐχί | |
| μετ’ | μαζί με (με αιτιατική), με (τρόπος) | ||
| οσπίτ’ | σπίτι | hospitium<hospes | |
| πα | πάλι, επίσης, ακόμα | ||
| σ’κούμαι | σηκώνομαι | ||
| χολιάζω | θυμώνω κπ, αγανακτώ κπ | ||
| ψ̌η | ψυχή | ||
| ψ̌όπο | ψυχούλα | ||
| ωρι͜άζω | προσέχω, φυλάω, επιβλέπω |
