Προβολή Τραγουδιού

Ο μαναχόν ο Γιάννες

Συνθέτες: Νάκος Ευσταθιάδης, Παραδοσιακό

Ο Γιάννες ο Μονόγιαννες,
ο μαναχόν ο Γιάννες
Πέντε ημερών γαμπρός έτον
σον πόλεμον επήεν

Ο πόλεμον ’κ’ ετέλεσεν
εποίκεν δέκα χρόνι͜α
κι ο Γιάννης είδεν όνειρον
την κάλην ατ’ αντρίζ’νε

Τ’ άλογον εκαβάλκεψεν
και σην χαράν ευρέθεν
Εσέβεν πρώτος σον χορόν
χορεύ’ καρσ̌ί ση νύφεν

Έρθεν το πρωτοστέφανο μ’,
το πρώτον η εγάπη μ’;
Εγώ τον Γιάννεν αγαπώ,
τον Γιάννεν ξαν θα παίρω!

Γλωσσάρι

Κείμενο	Επεξήγηση	Ετυμ. Ρίζα
αντρίζ’νε	αντρίζουν, παντρεύουν, παντρεύονται
εκαβάλκεψεν	καβάλησε
επήεν	πήγε
εποίκεν	έκανε, έφτιαξε	ποιέω-ῶ
έρθεν	ήρθε
εσέβεν	μπήκε
ετέλεσεν	τελείωσε κτ
έτον	ήταν
ευρέθεν	βρέθηκε
’κ’	δεν	ουκί<οὐχί
κάλην	την αγαπητή σύζυγο, σύζυγο
καρσ̌ί	απέναντι	karşı
μαναχόν	μοναχός (έναρθρο), μοναχό, μόνο/μοναχά (επίρρ)
νύφεν	νύφη
ξαν	πάλι, ξανά
παίρω	παίρνω
χορεύ’	χορεύω/ει