Τη τυφεκί’ μ’ το ταπάν

Προβολή Τραγουδιού

Τη τυφεκί’ μ’ το ταπάν
άμον το Καράκαπαν
Τη σεβντάς ι-μ’ τ’ όνεμαν
γραμμένον έν’ εκειαπάν’

Κορτσόπον, τίνος είσαι;
μήλον κόκκινον είσαι
Φύγον κι έλα μετ’ εμέν
βασιλόπουλον είσαι

Αγαπώ είναν κουτσ̌ήν
π’ αγαπά την καλατσ̌ήν
’Κ’ επορώ να φέρ’ ατεν
Σ’ οσπίτι μ’ έναν βραδήν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
ατεν	αυτήν
βραδήν	βράδυ
είναν	έναν, μία
εκειαπάν’	εκεί πάνω
έν’	είναι
επορώ	μπορώ
’κ’	δεν	οὐκί<οὐχί
καλατσ̌ήν	ομιλία, συνομιλία, συζήτηση	keleci=καλός λόγος (Παλαιά Τουρκική Ανατολίας)
Καράκαπαν	ονομασία βουνού στην σημ. Τουρκία, στα ανατολικά όρια της Άνω Ματσούκας και με υψόμετρο 2,4 χλμ	Karakaban< kara (=μαύρο) + kaban (կաբան=κορυφή, απότομος λόφος)
κορτσόπον	κοριτσάκι
κουτσ̌ήν	κόρη
μετ’	μαζί με (με αιτιατική), με (τρόπος)
όνεμαν	όνομα
οσπίτι	σπίτι	hospitium<hospes
σεβντάς	αγάπης, έρωτα	sevda/sevdā
ταπάν	βάση, το πίσω τμήμα (κοντάκι) τυφεκίου	taban
τίνος	ποιού;
τυφεκί’	τουφεκιού	tüfek/tufeng
φέρ’	φέρνω/ει
φύγον	(προστ.) φύγε