Για τ’ εσέν, καλέ πατέρα

Προβολή Τραγουδιού

Καλλιτέχνες: Γιάννης Τσανάκαλης, Έρρικα Νικολαΐδου

expand_content

Για τ’ εσέν, καλέ πατέρα,
λάσκουμες όλεν τη μέραν
για να ευρήκ’ς την ευτυχία σ’
και λαρούται η καρδία σ’

Προξενίας εσέν ευτάμε
και στ’ οσπίτ’ τη χ̌ι͜όρας πάμε
Αφού θέλτς κι ατέ αγαπά σε,
έπαρ’ ’τεν και μη φογάσαι!

Ασ’ εμάς τα δύο παιδία σ’
έπαρ’ ούλι͜α τα ευχ̌ίας
(Ε)μείς αντρίζουμε και φεύομε,
για τ’ εσέν τιδέν ’κ’ επέμ’νεν

Προξενίας εσέν ευτάμε
και στ’ οσπίτ’ τη χ̌ι͜όρας πάμε
Αφού θέλτς κι ατέ αγαπά σε,
έπαρ’ ’τεν και μη φογάσαι!

Προξενίας εσέν ευτάμε
και στ’ οσπίτ’ τη χ̌ι͜όρας πάμε
Αφού θέλτς κι ατέ αγαπά σε,
έπαρ’ ’τεν και μη φογάσαι!

Γλωσσάρι

Κείμενο	Επεξήγηση	Ετυμ. Ρίζα
αντρίζουμε	παντρεύουμε, παντρευόμαστε (για γυναίκες)
ασ’	από
ατέ	αυτή
έπαρ’	(προστ.) πάρε
επέμ’νεν	απόμεινε
ευρήκ’ς	βρίσκεις
ευτάμε	κάνουμε, φτιάχνουμε	εὐθειάζω
ευχ̌ίας	ευχές
θέλτς	θέλεις
’κ’	δεν	οὐκί<οὐχί
λαρούται	γιατρεύεται, θεραπεύεται
λάσκουμες	περιφερόμαστε, τριγυρίζουμε, περιπλανιόμαστε	ἀλάομαι/ηλάσκω
όλεν	όλη/ο, ολόκληρη/ο
οσπίτ’	σπίτι	hospitium<hospes
ούλι͜α	όλα
παιδία	παιδιά
προξενίας	προξενιά, συνοικέσια
’τεν	αυτήν
τιδέν	τίποτα
φεύομε	φεύγουμε
φογάσαι	φοβάσαι
χ̌ι͜όρας	χήρας