Μαεμένον

Προβολή Τραγουδιού

expand_content

Εμάεψες με, γιαβρίκα μ’
αρ’ έ͜εις με μαεμένον
Αναμεσά σα μαλλόπα σ’
αρ’ έ͜εις με συμπλεκ’μένον

Και μα την Παναΐαν
«τσ̌ακπούν» εξέγκαν τ’ όνομα μ’
σ’ εσόν ση γειτονίαν
Ελέπ’νε σε τ’ ομματόπα μ’
και (-ν- αρ’) καίεται η καρδία μ’

Εξέγκες το μαχ̌αιρόπον
εντώκες σην καρδία μ’
Τρανόν γεράν εποίκες α’,
’κι λαρούται καμίαν

Εγώ αγαπώ σε κι έρχουμαι,
εσύ παραμερί͜εις με
Ντοσίλεγον καρδόπον έ͜εις;
σίτι͜α γελώ, κλαινί͜εις με

Ο Νίκον ο κεμεντζ̌ετζ̌ής,
ατός ας σο Χριστόν -ι
επέρεν τη κύρ’ το κορίτσ’
ας σον Αληθινόν -ι

Αρ’ είσαι πολλά έμορφον,
άι! πολλά φωταγμένον
Το πόι σ’ εροθύμεσα
ντο έμ’ αγκαλιασμέν’

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αναμεσά	ανάμεσα
ατός	αυτός
γεράν	πληγή, τραύμα	yara
γιαβρίκα	(υποκορ.) μωρό, μικρό, παιδί	yavru
έ͜εις	έχεις
ελέπ’νε	βλέπουνε
έμ’	ήμουν
εμάεψες	μάγεψες
έμορφον	όμορφο
εντώκες	χτύπησες, έκανες να
εξέγκαν	έβγαλαν
εξέγκες	έβγαλες
επέρεν	πήρε
εποίκες	έκανες, έφτιαξες	ποιέω-ῶ
εροθύμεσα	νοστάλγησα
έρχουμαι	έρχομαι
εσόν	δικός/ή/ό σου
καίεται	καίγεται
καμίαν	ποτέ
καρδόπον	καρδούλα
κεμεντζ̌ετζ̌ής	λυράρης	kemençeci
’κι	δεν	οὐκί<οὐχί
κλαινί͜εις	κάνεις κάποιον να κλάψει, στενοχωρείς
κύρ’	πατέρα
λαρούται	γιατρεύεται, θεραπεύεται
μαεμένον	μαγεμένος/ο
μαλλόπα	μαλλάκια
μαχ̌αιρόπον	μαχαιράκι
ομματόπα	ματάκια
παραμερί͜εις	παραμερίζεις
πόι	ύψος, μπόι	boy
πολλά	(επίθ.) πολλά, (επίρρ.) πολύ
σίτι͜α	καθώς, ενώ	σόταν<εις όταν
συμπλεκ’μένον	συμπλεγμένο
τσ̌ακπούν	τσαχπίνη, σκερτσόζο, ερωτιάρη, καταφερτζή, (το) τσαχπίνικο, σκερτζόζικο, ερωτιάρικο, καταφερτζίδικο	çapkın
φωταγμένον	φωτισμένο, λαμπερό