Προβολή Τραγουδιού

Σώνα μ’ μη τυραννίεσαι

Στιχουργοί: Γιώργος Αμαραντίδης, Παραδοσιακό

Σώνα μ’, μη τυραννίεσαι
και μ’ έ͜εις βαρύν καρδίαν [Σώνα μ’, έλα]
Μη κλαις και σπόγγ’σον τα δάκρυ͜α
κι άκ’σον τη δι͜αρμενεία μ’ [Σώνα μ’, έλα]

Θ’ αλλά͜εις τ’ όνομα σ’ το χρυσόν,
τούρκικον θα έν’, Σώνα μ’ [Σώνα μ’, έλα]
Κρυφοχριστιανόν θα παίρτς,
άντραν θα ’φτας ατόναν [Σώνα μ’, έλα]

Σα φανερά Μαχμούτ αγάς
και σα κρυφά Νικόλας [Σώνα μ’, έλα]
και σο σ̌κοινίν, Σώνα μ’, μη θέκ’ς
και τα λόγια τη χώρας [Σώνα μ’, έλα]

Σο μοναστήρ’ μεσανυχτί’
θα πάτεν στεφανούσ’νε [Σώνα μ’, έλα]
Ολόχρυσον άντραν θα παίρτς
ατός ας σοι κρυφούς έν’ [Σώνα μ’, έλα]

Γλωσσάρι

Κείμενο	Επεξήγηση	Ετυμ. Ρίζα
άκ’σον	άκουσε (προστ.)
αλλά͜εις	αλλάζεις
ατόναν	αυτόν
δι͜αρμενεία	συμβουλή, νουθεσία	μσν. ὁρμηνεύω < αρχ. ἑρμηνεύω
έ͜εις	έχεις
έν’	είναι
θέκ’ς	θέτεις, ακουμπάς
μεσανυχτί’	την ώρα του μεσονυχτίου
παίρτς	παίρνεις
πάτεν	πηγαίνετε, πάτε
σοι	στους/στις
σπόγγ’σον	σκούπισε (προστ.)
στεφανούσ’νε	στεφανώνεστε
τυραννίεσαι	τυραννιέσαι, ταλαιπωριέσαι
’φτας	(ευτάς) κάνεις, φτιάχνεις	εὐθειάζω
χώρας	ξένος/η/ο/οι γενικά, οι/το/τα μη οικείο/α, ξενιτειάς