Ο σταυρωμένος Χριστός

Προβολή Τραγουδιού

Καλλιτέχνες: Γιώργος Αμαραντίδης, Χορωδία

Δεντρόν, δεντρόν ξεφάντωτον,
δεντρόν ξεφαντωμένον
Σην κορφήν κάθεται ο Χριστόν
κι η Παναγιά σην ρίζαν

Σα άκρας κάθουν οι αγγέλ’,
σα φύλλα οι προφητάδες
Ψάλλουν και προφητεύουνε
και τη Χριστού τα πάθη

Ψάλλ’ Μωυσής, ψάλλ’ ο Δαυίδ,
ψάλλ’νε κι οι προφητάδες
Ψάλλε κι εσύ, Ιάκωβε,
και αδελφέ Κυρίου

Ψάλλε κι εσύ παράδεισε
μετά των αρχαγγέλων
Σήμερον μαύρος ουρανός,
σήμερον μαύρη μέρα

Σήμερον έβαλαν βουλήν
οι άνομοι Εβραίοι
Σήμερον επαρέδωκαν
των πάντων βασιλέαν

Γλωσσάρι

Κείμενο	Επεξήγηση	Ετυμ. Ρίζα	Προέλευση
αγγέλ’	(ονομ. πληθ.) άγγελοι, (γεν.) αγγέλου
άκρας	άκρης, άκρες (πληθ. τα)
βουλήν	βουλή, θέληση, απόφαση
κάθουν	κάθονται
μετά	(με αιτιατική) συνοδεία, μαζί με
ψάλλ’νε	ψάλλουν