Παναγία Σουμελά

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Η Παναγία λειτουργά
κι ο γούμενον κοιμάται
Τερέστ’ ομμάτι͜α τερέστεν
πάω κι αροθυμάτε

Η Παναγία λειτουργά
τα σήμαντρα χτυπούνε
Βροντούνε τα καμπάνας ατ’ς
τ’ ορμάνι͜α αντιδονούνε

Τη Σουμελάς το μοναστήρ’
εσβήεν κι εχαλάεν
Η Παναγία επέθανεν
σα λίβι͜α εταράεν

Α’έρ’ ι-μ’ κι Άε-Θόδωρε μ’,
Σουμελά Παναγία,
σα παπόρι͜α ντ’ εχπάσταμε
δώστεν καληδρομίαν

Ρωμαίικον παλληκάρ’ είμαι
κανέναν ’κι φοούμαι
Ση Σουμελάν την Παναγιά
θα πάω στεφανούμαι

Σουμελά λέν’ την Παναγιάν,
Σουμελά λέν’ κι εσέναν
Θα προσ̌κυνώ την Παναγιάν
κι έρχουμαι μετ’ εσέναν

Ση Κοσπιδή καλόερος,
ση Λιβεράν τσ̌οπάνος
Σην Παναΐαν Σουμελάν
ψάλτης και τραγωδι͜άνος

Ση Σουμελάν την Παναγιά
και σην Αε-Βαρβάραν
Εγώ με την Σωτήρα¹ μου
έψ̌αμε έναν λαμπάδαν

Γλωσσάρι

Κείμενο	Επεξήγηση	Ετυμ. Ρίζα
Α’έρ’	Αη-Γιώργη
αροθυμάτε	νοσταλγείτε
ατ’ς	αυτής, της
γούμενον	ηγούμενος
επέθανεν	πέθανε
έρχουμαι	έρχομαι
εσβήεν	έσβησε
εταράεν	ταράχθηκε, ανακατεύτηκε, αναμίχθηκε	ταράσσω
εχαλάεν	χάλασε
εχπάσταμε	αναχωρήσαμε, κινήσαμε για
έψ̌αμε	ανάψαμε
καληδρομίαν	ευχή για καλό δρόμο
καμπάνας	(ον.πληθ., τα) καμπάνες
’κι	δεν	οὐκί<οὐχί
λίβι͜α	σύννεφα	λίβος<λείβω
μετ’	μαζί με (με αιτιατική), με (τρόπος)
ομμάτι͜α	μάτια
ορμάνι͜α	δάση	orman
παπόρι͜α	βαπόρια, καράβια	vapore
ρωμαίικον	αυτό που είναι των Ρωμιών, ελληνικό
στεφανούμαι	στεφανώνομαι
τερέστ’	(προστ.) κοιτάξτε
τερέστεν	(προστ.) κοιτάξτε
τραγωδι͜άνος	τραγουδιστής
φοούμαι	φοβάμαι

Σημειώσεις

¹ Η σύζυγος του αείμνηστου Γιωργούλη Λαφαζανίδη