Ποντιακός Στίχος

Προβολή Τραγουδιού

Το καρδόπο μ’ εχάραξες

Πισάγκωνα δεμένοςΠισάγκωνα δεμένος

Στιχουργοί: Χρήστος Αντωνιάδης

Συνθέτες: Παραδοσιακό

Καλλιτέχνες: Γιώργος Στεφανίδης, Κώστας Σιαμίδης


Το καρδόπο μ’ εχάραξες,
[Τρυγόνα μ’, τρυγόνα μ’]
και σύρτς απάν’ το άλας
[Ωφ, ωφ, ωφ, αμάν!]
Νερόν να κατενίζ’ α̤το,
[Τρυγόνα μ’, τρυγόνα μ’]
δί’ς μ’ ατο με τα στάλας
[Ωφ, ωφ, ωφ, αμάν!]

Ατσ̌ά πού τρέχ̌’ το ποτάμ’;
Ατσ̌ά πού ρούζ’ το ποράν’;
Η καρδι͜ά μ’ βρουλίεται,
καίεται, μανίεται

Ερώτεσα ’τεν, αδελφέ μ’,
[Τρυγόνα μ’, τρυγόνα μ’]
«ντο έ͜εις σην μέσεν ξένον»
[Ωφ, ωφ, ωφ, αμάν!]
Σκωλέκ’ το ψ̌όπο μ’ τρώει ατο,
[Τρυγόνα μ’, τρυγόνα μ’]
σκωλέκ’ τ’ αφορισμένον
[Ωφ, ωφ, ωφ, αμάν!]

Ατσ̌ά πού τρέχ̌’ το ποτάμ’;
Ατσ̌ά πού ρούζ’ το ποράν’;
Η καρδι͜ά μ’ βρουλίεται,
καίεται, μανίεται

Παίγνι͜α έν’, ρίζα μ’, η εγάπ’,
[Τρυγόνα μ’, τρυγόνα μ’]
παίγνι͜α ντο παίζ’νε δύο
[Ωφ, ωφ, ωφ, αμάν!]
Και αν εχάσα μ’ αραεύ’ς
[Τρυγόνα μ’, τρυγόνα μ’]
την ψ̌η μ’ να παραδίγω
[Ωφ, ωφ, ωφ, αμάν!]

Ατσ̌ά πού τρέχ̌’ το ποτάμ’;
Ατσ̌ά πού ρούζ’ το ποράν’;
Η καρδι͜ά μ’ βρουλίεται,
καίεται, μανίεται
Γλωσσάρι
ΚείμενοΕπεξήγησηΕτυμ. ΡίζαΠροέλευση
άλαςαλάτι
απάν’πάνω
αραεύ’ςψάχνεις, αναζητάς, γυρεύεις aramak
ατσ̌άάραγε acep/ʿaceb
αφορισμένοναφορισμένο, αναθεματισμένο
βρουλίεταιφλέγεται, καίγεται brûler
δί’ςδίνεις
έ͜ειςέχεις
εγάπ’αγάπη
έν’είναι
ερώτεσαρώτησα
καίεταικαίγεται
καρδόποκαρδούλα
κατενίζ’καθαρίζω/ει, ξεπλένω/ει, ξεθολώνω/ει κατανίζω
μανίεταιμαυρίζει/μουντζουρώνεται από την καπνιά, καταστρέφεται, κατακαίγεται μέχρι καπνιάς
μέσενμέση
ποράν’μπόρα, καταιγίδα boran<βενετ. bora<λατ. Boreas <Βορέας (αντιδάνειο)
ρούζ’πέφτει, ρίχνει
σκωλέκ’σκουλήκι
σύρτςσέρνεις, τραβάς, ρίχνεις
’τεναυτήν
τρέχ̌’τρέχει
τρυγόνατο πουλί τρυγόνι, χαϊδευτική προσφώνηση γυναίκας
ψ̌ηψυχή
ψ̌όποψυχούλα

Ποντιακός Στίχος - Pontian Lyrics 2024

Τραγούδια: 7912 | Albums/Singles: 1163 | Συντελεστές: 1564 | Λήμματα: 13321
Επικοινωνία: infoDUMMY@pontianlyrics.gr