Σεβντάς παρηγορία

Προβολή Τραγουδιού

Καλλιτέχνες: The RoseBand

Αν ’κι πάω χολιάσ̌κεται
κι εμέναν καταράται
Τ’ εμόν τ’ αρνίν τσ̌εχέλκον έν’
και μαναχόν φοάται

Χωρίς εμέν ’κι ’ίνεται
κι άλλο πουθέν ’κι πάει
Όντες ελέπ’ με χ̌αίρεται
και παλαλά ευτάει

Αρνί μ’, μη τυρα̤ννίεσαι,
θ’ έρχουμαι αλλομίαν
τ’ έναν τ’ άλλο να δίγομε
σεβντι͜άς παρηγορίαν

Γλωσσάρι

Κείμενο	Επεξήγηση	Ετυμ. Ρίζα
αλλομίαν	άλλη μια φορά
δίγομε	δίνουμε
ελέπ’	βλέπει/βλέπω
εμόν	δικός/ή/ό μου	ἐμοῦ
έν’	είναι
έρχουμαι	έρχομαι
ευτάει	κάνει, φτιάχνει	εὐθειάζω
’ίνεται	γίνεται
καταράται	καταριέται
’κι	δεν	οὐκί<οὐχί
μαναχόν	(έναρθρο) μοναχός, μοναχό, (επίρρ) μόνο/μοναχά
όντες	όταν
παλαλά	τρελά, τρέλες
παρηγορίαν	παρηγοριά
πουθέν	πουθενά
σεβντι͜άς	αγάπης, έρωτα	sevda/sevdā
τσ̌εχέλκον	άπειρο, ανώριμο, άβγαλτο	cehil/cehl
τυρα̤ννίεσαι	τυραννιέσαι, ταλαιπωριέσαι
φοάται	φοβάται
χολιάσ̌κεται	θυμώνει, αγανακτεί