Καλανταρί’ εγνώρτσα σε

Προβολή Τραγουδιού

Καλλιτέχνες: Ανδρέας Κουγιουμτζίδης, Γιώργος Ορφανίδης

Καλανταρί’ εγνώρτσα σε,
τη Λαμπρήν ψαλαφώ σε
Πέντ’-έξ’ μήνας εδέβανε
κι ακόμαν να φιλώ σε

Έβγαλ’, κορίτσ’, ντο έ͜εις ση ψ̌η σ’,
εγώ πα ας ελέπω
Είπα ’το μίαν, δεύτερον,
θα παίρω σε -ν- και στέκω

Ονέρ’τα είναι κατενά
και χάνω τον καιρόν -ι
Πέντ’-έξ’ μήνας ’κ’ επόρεσα
να ’φτάγω σε -ν- τ’ εμόν -ι

Γλωσσάρι

Κείμενο	Επεξήγηση	Ετυμ. Ρίζα
έ͜εις	έχεις
έβγαλ’	(προστ.) βγάλε
εγνώρτσα	γνώρισα
εδέβανε	(για τόπο) πέρασαν, διέσχισαν (για χρόνο) πέρασαν	διαβαίνω
ελέπω	βλέπω
εμόν	δικός/ή/ό μου	ἐμοῦ
έξ’	έξω ή ο αριθμός έξι
επόρεσα	μπόρεσα
’κ’	δεν	οὐκί<οὐχί
Καλανταρί’	(γεν.) Γενάρη
κατενά	καθαρά, ξεπλυμένα, ξεθολωμένα	κατανίζω
μήνας	(τα) μήνες
μίαν	μια φορά
ονέρ’τα	όνειρα
πα	πάλι, επίσης, ακόμα
παίρω	παίρνω
’το	αυτό, το (προσωπική αντωνυμία)
’φτάγω	(ευτάγω) κάνω, φτιάχνω	εὐθειάζω
ψαλαφώ	ζητώ, αιτούμαι
ψ̌η	ψυχή