Kumbaromo

Προβολή Τραγουδιού

Καλλιτέχνες: Fuat Saka, Κώστας Σιαμίδης

Ο κουμπάρο μ’, ο κουμπάρο μ’
ο φίλον ο καλός ι-μ’
με το στεφάν’ π’ εκράτεσεν
εέντον συγγενός ι-μ’

Τα ευχ̌ίας ντ’ επέρετεν
γομών’νε δέκα αμπάρι͜α
Να είστεν πάντα άξιοι,
κουμπάρε και κουμπάρα!

Το σημερ’νόν το δέσιμον,
τ’ εμόν την κουμπαρίαν
σπιχτά εκορδυλίασα
μ’ εγάπην και φιλίαν

Τα ευχ̌ίας ντ’ επέρετεν
γομών’νε δέκα αμπάρι͜α
Να είστεν πάντα άξιοι,
κουμπάρε και κουμπάρα!

Να είσαι,  κουμπάρε, καλά!
Χρόνι͜α να έ͜εις και υείαν!
Θα ’ίνεσαι δεξάμενος
σο άλλον την χρονίαν!

Τα ευχ̌ίας ντ’ επέρετεν
γομών’νε δέκα αμπάρι͜α
Να είστεν πάντα άξιοι,
κουμπάρε και κουμπάρα!

Γλωσσάρι

Κείμενο	Επεξήγηση	Ετυμ. Ρίζα
γομών’νε	γεμίζουν, μτφ. κομπιάζουν
δεξάμενος	ανάδοχος, νονός
έ͜εις	έχεις
εέντον	έγινε
είστεν	είστε
εκορδυλίασα	έκανα κόμπο	cordela/corda<χορδή
εκράτεσεν	κράτησε
εμόν	δικός/ή/ό μου	ἐμοῦ
επέρετεν	πήρατε
ευχ̌ίας	ευχές
’ίνεσαι	γίνεσαι
σημερ’νόν	σημερινό
σπιχτά	σφιχτά
συγγενός	συγγενής
υείαν	υγεία
χρονίαν	χρονιά