Hui Hui

Προβολή Τραγουδιού

Καλλιτέχνες: Fuat Saka, Κώστας Σιαμίδης

Όσα κορτσόπα εχωρούν
απέσ’ σην καρδι͜ά μ’ θέκω
Κι ατώρα εύρα την πελιά μ’
τόπον ’κ’ έχω να στέκω

Ν’ αηλί εμέν, ντο έπαθα,
μανίτσα μ’, χοὺι χοὺι
Ο κόσμον μίαν αγαπά,
εγώ ’ποίκα ’το χούι

Όλια σην καρδι͜ά μ’ έχ’ ατα
έναν απέξ’ ’κ’ εβγάλλω
Κι ατώρα αν λες με «μέτρα ατα»
τ’ ημ’σά θα ανασπάλω

Ν’ αηλί εμέν, ντο έπαθα,
μανίτσα μ’, χοὺι χοὺι
Ο κόσμον μίαν αγαπά,
εγώ ’ποίκα ’το χούι

Καρδι͜ά μ’, θα ευκαιρώνω σε,
ας σ’ όλιον το καλλίον!
Θα τερώ αναπά̤εται
ο νους κι η ψ̌η μ’ ολίγον

Ν’ αηλί εμέν, ντο έπαθα,
μανίτσα μ’, χοὺι χοὺι
Ο κόσμον μίαν αγαπά,
εγώ ’ποίκα ’το χούι

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αναπά̤εται	αναπαύεται
ανασπάλω	ξεχάσω
απέξ’	απέξω
απέσ’	μέσα
ας σ’	(ας σου) από του, από τότε που/αφότου, (ας σο) από το/τα
ατα	αυτά
ατώρα	τώρα
εβγάλλω	βγάζω
ευκαιρώνω	αδειάζω
εύρα	βρήκα, (ιδιωμ. προστ.) βρες
ημ’σά	μισά
θέκω	θέτω, τοποθετώ, βάζω
’κ’	δεν	οὐκί<οὐχί
καλλίον	(επίθ.) καλύτερο, (επίρ.) καλύτερα
κορτσόπα	κοριτσάκια
μίαν	μια φορά
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
όλια	όλα
όλιον	όλο, ολόκληρο
όσα	όσες φορές
πελιά	βάσανο, σκοτούρα	bela
’ποίκα	(εποίκα) έκανα, έφτιαξα	ποιέω-ῶ
τερώ	κοιτώ
’το	αυτό, το (προσωπική αντωνυμία)
χοὺι χοὺι	επιφώνημα λύπης
χούι	συνήθεια	huy/ḫūy
ψ̌η	ψυχή