Ποντιακός Στίχος

Προβολή Τραγουδιού

Τερώ τ’ ομμάτι͜α σ’ και πονώ

Μήλον ροδοκόκκινονΜήλον ροδοκόκκινον

Στιχουργοί: Γιώργος Ιωαννίδης

Συνθέτες: Λάζος Ιωαννίδης, Παραδοσιακό

Καλλιτέχνες: Γιώργος Ιωαννίδης, Λάζος Ιωαννίδης


Τερώ τ’ ομμάτι͜α σ’ και πονώ,
τα χ̌είλι͜α σ’ κι αρρωσταίνω
και σ’ έναν φίλεμαν τ’ εσόν
εγώ ξάι ’κι ανασαίνω

Θεέ μ’, αν είσαι δίκαιος
βάλεν το χ̌έρι Σ’, βάλεν
Εγώ ατέν εγάπεσα,
γιατί να παίρω άλλεν;

Όσον το ύψος τ’ ουρανού,
τη θάλασσας το βάθος
ατόσον για τ’ εσέναν έν’
τη καρδι͜άς ι-μ’ το πάθος

Άλλαξον, πουλί μ’, άλλαξον,
άλλαξον το νιά̤τι σ’
Εσύ εμέναν θα κλαινί͜εις
και με το ταπιάτι σ’
Γλωσσάρι
ΚείμενοΕπεξήγησηΕτυμ. ΡίζαΠροέλευση
άλλαξονάλλαξε (προστ.)
άλλενάλλη
ατέναυτήν
βάλενβάλε (προστ.)
εγάπεσααγάπησα
έν’είναι
εσόνδικός/ή/ό σου
’κιδεν ουκί<οὐχί
κλαινί͜ειςκάνεις κάποιον να κλάψει, στενοχωρείς
νιά̤τισκοπός, πρόθεση niyet/niyyet
ξάικαθόλου
ομμάτι͜αμάτια
παίρωπαίρνω
ταπιάτισυνήθεια, χαρακτηριστικό, ο χαρακτήρας ενός ανθρώπου tabiat/ṭabīʿat
τερώκοιτώ
φίλεμανφιλί

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr