Εκατήβα σα παχτσέδες

Προβολή Τραγουδιού

Καλλιτέχνες: Δημήτρης Καρασαββίδης, Πόλιος Παπαγιαννίδης

Εκατήβα σα παχτσ̌έδες
Μα το Θεόν! ’Δέν ’κ’ επέρα!
Πέντε μήλα, πέντε απίδι͜α,
δεκαπέντε σεφταλίδι͜α

Πέντε, έξι μερακλήδες
’πάτεσανε τα χωρία
Άλλος παίζ’, και άλλ’ χορεύ’νε,
άλλ’ τινι͜άζ’νε κι άλλ’ σωρεύ’νε

Τρώγ’νε, πίν’νε και χορεύν’νε,
τογραεύ’νε τα παράδες
Άλλ’ εμπαίν’νε σα κεπία,
κι άλλ’ τιρτεύ’νε τσοι νυφάδες

«’Μώ σε!» είπεν «νε παιδία,
εγροικώ απ’ όσα λέτεν,
πάν’ τα μήλα μ’, πάν’ τ’ απίδι͜α μ’,
πάνε και τα σεφτα̤λίδι͜α μ’»

Γλωσσάρι

Κείμενο	Επεξήγηση	Ετυμ. Ρίζα
απίδι͜α	αχλάδια	ἄπιον
’δέν	τίποτα
εγροικώ	καταλαβαίνω
εκατήβα	κατέβηκα
εμπαίν’νε	μπαίνουν
επέρα	πήρα
’κ’	δεν	οὐκί<οὐχί
κεπία	(ον.) κήποι, (αιτ.) κήπους
λέτεν	λέτε
’μώ	(επιφ.) εκδήλωση έκπληξης, θαυμασμού ή δυσφορίας, βρε! σε καλό σου!	γαμώ
νυφάδες	νύφες
όσα	όσες φορές
παιδία	παιδιά
παράδες	λεφτά, χρήματα	para/pāre
’πάτεσανε	(επάτεσανε) πάτησαν
παχτσ̌έδες	κήποι, περιβόλια	bahçe/bāġçe
πίν’νε	πίνουν
σεφταλίδι͜α	ροδάκινα	şeftali<şeft/şaft + ālū
σωρεύ’νε	μαζεύουν, συγκεντρώνουν	σωρεύω
τιρτεύ’νε	σκουντάνε κπ, τσιγκλάνε κπ, προκαλούν κπ	dürtmek
τογραεύ’νε	κομματιάζουν	doğramak
τρώγ’νε	τρώνε
τσοι	τους/τις
χορεύ’νε	χορεύουν
χωρία	χωριά