Τρυγόνα Ματσούκας

Προβολή Τραγουδιού

Καλλιτέχνες: Αλέξανδρος Παρχαρίδης, Γιώργος Αμαραντίδης, Γιώργος Σοφιανίδης

Ακεί πέραν ήλιος έν’,
η τρυγόνα τίνος έν’;
Γιά τ’ εμόν έν’ γιά τ’ εσόν
ας τερούμε τίνος έν’;

Ακεί πέραν φέγγος έν’,
η τρυγόνα τίνος έν’;
Μάϊσσα έν’ κι ωρι͜άζ’ τα ζα
και μαραίν’νταν τα δέντρα

Ακεί πέραν έστεκεν
την κάλτσαν ατ’ς έπλεκεν
Είπ’ ατέναν «έλα αδά,
το λαλόπο μ’ χαμελά»

Σκουλαρίκ’ φορεί σ’ ωτίν
και σα χ̌έρι͜α δαχτυλίδ’
Μ’ έναν τέρεμαν γλυκύν
χ̌ίλια χρόνια η βραδήν

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ακεί	εκεί
ατέναν	αυτήν
ατ’ς	αυτής, της
βραδήν	βράδυ
γιά	είτε, ή	ya/yā
γλυκύν	γλυκιά/ό
εμόν	δικός/ή/ό μου	ἐμοῦ
έν’	είναι
εσόν	δικός/ή/ό σου
ζα	ζώα
λαλόπο	φωνούλα
μαραίν’νταν	μαραίνονται
τέρεμαν	βλέμμα, κοίταγμα, μτφ. φροντίδα
τερούμε	κοιτάμε
τίνος	ποιού;
τρυγόνα	το πουλί τρυγόνι, χαϊδευτική προσφώνηση γυναίκας
φέγγος	φεγγάρι
χαμελά	χαμηλά
ωρι͜άζ’	προσέχω/ει, φυλάω/ει, επιβλέπω/ει
ωτίν	αυτί