Χ̌υτόν

Προβολή Τραγουδιού

Έλα, πουλόπο μ’, μετ’ εμέν,
λελεύω εγώ την ὲλα σ’!
Έλα, πουλόπο μ’, μετ’ εμέν,
γουρπάν’ εγώ σην ὲλα σ’
Το τουλουμόπο μ’ θα παίζω,
’κι θα ’γροικά κανένας
Εγώ θα παίζω το τουλούμ’
’κι θα ’γροικά κανένας

Τούλα, τούλα -λα,
α-λα, τούλα -λα,
το ταούλ’ και -ν- η ζουρνά
παρεβγάλλ’νε μας πουρνά
Το ταούλ’ έτον πετσένιον
κι η ζουρνά μ’ κοκκυμελένιον
Τη ζουρνάς ι-μ’ το τσιμπόν’,
ίλιαμ όντες θυμών’
Το ταούλ’ και το κοπάλ’
όντες κοπανίζ’ τ’ ομάλ’
χαμογελούν οι νυφάδες
και δα̤κρούνε οι χ̌εράδες

Χάραξεν η ανατολή,
εφώταξεν η μέρα
Γουρπάν’ εγώ να ’ίνουμαι
σ’ εμόν την περιστέραν

Τούλα, τούλα -λα,
α-λα, τούλα -λα,
το ταούλ’ και -ν- η ζουρνά
παρεβγάλλ’νε μας πολλά
Το ταούλ’ έτον πετσένιον,
η ζουρνά μ’ μαλαματένιον
Τη ζουρνάς ι-μ’ το τσιμπόν’,
ίλιαμ όντες θυμών’
Το ταούλ’ και το κοπάλ’
όντες κοπανίζ’ τ’ ομάλ’
χαμογελούν οι νυφάδες
και δα̤κρούνε οι χ̌εράδες

Γλωσσάρι

Κείμενο	Επεξήγηση	Ετυμ. Ρίζα
γουρπάν’	θυσία	kurban/ḳurbān
’γροικά	(εγροικά) καταλαβαίνει
δα̤κρούνε	δακρύζουν
ὲλα	ερχομός, άφιξη
εμόν	δικός/ή/ό μου	ἐμοῦ
έτον	ήταν
εφώταξεν	φώτισε
ίλιαμ	προπαντώς, ιδιαίτερα, ειδικά	illa/illā
’ίνουμαι	γίνομαι
’κι	δεν	οὐκί<οὐχί
κοπανίζ’	κοπανάω/ει
λελεύω	χαίρομαι
μετ’	μαζί με (με αιτιατική), με (τρόπος)
νυφάδες	νύφες
ομάλ’	ομαλό, ευθεία, πεδιάδα
όντες	όταν
παρεβγάλλ’νε	ξεπροβοδίζουν
πολλά	(επίθ.) πολλά, (επίρρ.) πολύ
πουλόπο	πουλάκι
πουρνά	πρωί, αύριο
ταούλ’	νταούλι	davul/ṭabl
τούλα	ήσυχα, φρόνιμα
τουλούμ’	άσκαυλος, αγγείο	tulum
χ̌εράδες	χήρες