Αγκαλιαστόν

Προβολή Τραγουδιού

Καλλιτέχνες: Κώστας Θεοδοσιάδης, Παντελής Νικολαΐδης

Τερέστε ατεν την έμορφον,
τερέστεν το πιτσ̌ίμ’ν ατ’ς
Άτσ̌απσα ποίον παλληκάρ’
θα σύρ’ και παίρ’ την ψ̌ην ατ’ς;

Του σ̌κύλ’ ο γιον που έ͜ει σε
’κι ξέρ’ το μεκατίρι σ’
Άφ’ς ατον κι έλα μετ’ εμέν,
θα ’φτάγω το χατίρι σ’

Παλληκαρόπον είμ’ εγώ,
θα ’φτάγω αγουρότας
Έναν πρωίν θα ευρήκ’ς με
οξ̌ωκά -ν- ας σην πόρτα σ’

Ο κόσμος όλον κάμ’ και ζει
και πορπατεί ληγάρι͜α
Εγώ άμον τον παλαλόν
μετρώ τ’ εγάπ’ς τ’ ιχνάρι͜α

Λελεύω σας, μ’ ελέπετεν
τ’ εμά τα τσ̌εχελούκια!
Μικρός εσέβα ση σεβτάν
και με τα χαβεζλούκια

Γλωσσάρι

Κείμενο	Επεξήγηση	Ετυμ. Ρίζα
αγουρότας	γενναία, ανδρεία επιτεύγματα
άμον	σαν, όπως, καθώς	ἅμα
ατεν	αυτήν
ατ’ς	αυτής, της
άτσ̌απσα	άραγε, αναρωτιέμαι	acaba/ʿacebā
άφ’ς	(προστ.) άφησε
έ͜ει	έχει
εγάπ’ς	αγάπης
ελέπετεν	βλέπετε
εμά	δικά μου
έμορφον	όμορφο
εσέβα	μπήκα
ευρήκ’ς	βρίσκεις
ιχνάρι͜α	χνάρια, ίχνη
κάμ’	δουλεύει	κάματος
’κι	δεν	οὐκί<οὐχί
λελεύω	χαίρομαι
ληγάρι͜α	γρήγορα
μεκατίρι	αξία (ηθική), ποσότητα, ικανότητα	(ενικ.) miḳdār/ (πληθ.) meḳādīr/mawaqīdīr
μετ’	μαζί με (με αιτιατική), με (τρόπος)
οξ̌ωκά	έξω
παίρ’	παίρνω/ει
παλαλόν	τρελό
παλληκαρόπον	παλληκαράκι	παλληκάριον<πάλληξ, πάλλαξ
πιτσ̌ίμ’ν	μορφή, όψη/πρόσωπο, σχέδιο, στυλ/τρόπος, κομψότητα	biçim
πορπατεί	περπατάει
σεβτάν	αγάπη, έρωτα	sevda/sevdā
σ̌κύλ’	(γεν.) σκύλου
σύρ’	σύρω/ει, τραβάω/ει, ρίχνω/ει
τερέστε	(προστ.) κοιτάξτε
τερέστεν	(προστ.) κοιτάξτε
τσ̌εχελούκια	(τα, πληθ. του τσ̌εχελούκ’) απειρία, ανωριμότητα	cehil/cehl
’φτάγω	(ευτάγω) κάνω, φτιάχνω	εὐθειάζω
χαβεζλούκια	πόθοι, επιθυμίες, γούστα	heveslilik
χατίρι	χάρη, σεβασμός, υπόληψη	hatır/ḫāṭir
ψ̌ην	ψυχή