’Κι πιστεύ’ με

Προβολή Τραγουδιού

Συνθέτες: Παραδοσιακό, Φάνης Κουρουκλίδης

Καλλιτέχνες: Λίτα Κόλλια, Φάνης Κουρουκλίδης

Τρώ͜ει με η αροθυμία σ’
τ’ εσόν ο καημόν
Νασάν που είναι όλ’ εντάμαν,
βάι! σο μαναχόν

Τα σιδέρ’τα με τα δάκρυ͜α μ’
αν ταράουνταν
Καίουνταν, φέρ’νε και βρούλας
αμὰν λύουνταν

♫

’Κι πιστεύ’ με, ’κι πιστεύ’ με
πόσον αγαπώ ατο
Έναν ώραν αν ’κ’ ελέπ’ α’
πάω κι αραεύ’ ατο

Έλα, ρίζα μ’, έλα, γιαβρί μ’,
τζ̌ιγ̆ερόπο μ’, μετ’ εμέν
Έλα, έμπα σην εγκάλι͜α μ’
και το ψ̌όπο μ’ ας εβγαίν’

Η καρδία μ’ και το ψ̌όπο μ’,
έλα, τέρεν πώς πονούν!
Τ’ ομματόπα μ’ να κορούνταν
αν αλλού κέσ’ θα τερούν

Έλα, ρίζα μ’, έλα, γιαβρί μ’,
τζ̌ιγ̆ερόπο μ’, μετ’ εμέν
Έλα, έμπα σην εγκάλι͜α μ’
και το ψ̌όπο μ’ ας εβγαίν’

Σ’ έναν γιάν’ όλον ο κόσμον
και σο άλλον είσαι εσύ
Ντό να ’φτάω και να είμαι
πάντα μετ’ εσέν μαζί;

Έλα, ρίζα μ’, έλα, γιαβρί μ’,
τζ̌ιγ̆ερόπο μ’, μετ’ εμέν
Έλα, έμπα σην εγκάλι͜α μ’
και το ψ̌όπο μ’ ας εβγαίν’

Έλα, ρίζα μ’, έλα, γιαβρί μ’,
τζ̌ιγ̆ερόπο μ’, μετ’ εμέν
Έλα, έμπα σην εγκάλι͜α μ’
και το ψ̌όπο μ’ ας εβγαίν’

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αμὰν	αμέσως, ευθύς, μονομιάς	hemen/hemān
αραεύ’	ψάχνω/ει, αναζητώ/άει, γυρεύω/ει	aramak
αροθυμία	νοσταλγία
βρούλας	(τη) φλόγας, (τα) φλόγες	brûler
γιαβρί	μωρό, μικρό, παιδί	yavru
γιάν’	πλάι, πλευρά	yan
εβγαίν’	βγαίνει
εγκάλι͜α	αγκαλιά
ελέπ’	βλέπει/βλέπω
έμπα	(προστ.) μπες
εντάμαν	μαζί
εσόν	δικός/ή/ό σου
’κ’	δεν	οὐκί<οὐχί
καίουνταν	καίγονται
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κορούνταν	τυφλώνονται
λύουνταν	λιώνουν
μαναχόν	(έναρθρο) μοναχός, μοναχό, (επίρρ) μόνο/μοναχά
μετ’	μαζί με (με αιτιατική), με (τρόπος)
νασάν	χαρά σε
όλ’	όλοι/α
ομματόπα	ματάκια
σιδέρ’τα	σίδερα
ταράουνταν	αναμιγνύονται, ανακατεύονται, μπλέκονται
τέρεν	(προστ.) κοίταξε
τερούν	κοιτούν
τζ̌ιγ̆ερόπο	(υποκορ.) σπλάχνο, σωθικό	ciğer/ciger
φέρ’νε	φέρνουν
’φτάω	(ευτάω) κάνω, φτιάχνω	εὐθειάζω
ψ̌όπο	ψυχούλα