Προβολή Τραγουδιού
Σεβταλής παιδάς είμαι/Παράδες μη μαζεύ’ς/Κάθαν βράδον σην πόρτα σου |

Στιχουργοί: Γεώργιος Σπινθηρόπουλος, Γιάννης Καραπαναγιωτίδης, Κώστας Καραπαναγιωτίδης, Κώστας Κωνσταντινίδης, Παραδοσιακό
Συνθέτες: Γεώργιος Σπινθηρόπουλος, Γιάννης Καραπαναγιωτίδης, Κώστας Καραπαναγιωτίδης, Κωστίκας Κωνσταντινίδης, Παραδοσιακό
Καλλιτέχνες: Γιάννης Καραπαναγιωτίδης, Χρήστος Σιαπανίδης
Σεβνταλής παιδάς είμαι, η σεβντά τρανόν πελά̤ν Αν ’κ’ ευρήκω γιατρικόν τ’ άλλα είναι νεφιλέν Άσπρεσσα -ν- άμον το χ̌ι͜όν’, κόκκινος άμον χρυσόν Άγγελος θα ’ίνουμαι, θα παίρω την ψ̌ην τ’ εσόν ♫ Σ’ αβούτ’ τον κόσμον που ’κ’ εξέρ’ να ευχαριστά την ψ̌ην ατ’ Ας πάει ρούζ’ και φουρκίεται κι ας εμπαίν’ σο ταφίν ατ’ Παράδες μη μαζεύ’ς, μαζί σ’ τιδέν ’κι παίρτς Τα μουχαπέτα̤, τη χαράν εκείνα ν’ αραεύ’ς Παράδες που ’κ’ εξέρ’ να τρώ͜ει κι ο νους ατ’ έν’ σα πλούτη Θα θάφτ’νε ατον-ε μετ’ ατά, θα λέγ’ν’ ατον «τσιφούτη» Παράδες μη μαζεύ’ς, μαζί σ’ τιδέν ’κι παίρτς Τα μουχαπέτα̤, τη χαράν εκείνα ν’ αραεύ’ς Έμορφα, Σιαπανίδη! Να λελεύω τα δάχτυλα σ’! ♫ Κάθαν βράδον σην πόρτα σου τραγωδώ και σ̌υρίζω Αναμεσά σ’ οφρύδα̤ σου τη φωλέα μ’ θα χτίζω Κόρη, έλα μετ’ εμέν, μη κλαινί͜εις την κεμεντζ̌έ μ’ Μη κλαινί͜εις την κεμεντζ̌έ μ’, εγώ χάμαι για τ’ εσέν Περ’μένω σε κι εσύ ’κ’ εβγαίντς, πουλί μ’, σο παραθύρι σ’ Ευρήκ’ με το ξημέρωμαν απάν’ σο κατωθύρι σ’ Κόρη, έλα μετ’ εμέν, μη κλαινί͜εις την κεμεντζ̌έ μ’ Μη κλαινί͜εις την κεμεντζ̌έ μ’, εγώ χάμαι για τ’ εσέν
Κείμενο | Επεξήγηση | Ετυμ. Ρίζα | Προέλευση |
---|---|---|---|
αβούτ’ | αυτό/ή, αυτοί/ές/ά | ||
άμον | σαν, όπως, καθώς | ἅμα | |
αναμεσά | ανάμεσα | ||
απάν’ | πάνω | ||
αραεύ’ς | ψάχνεις, αναζητάς, γυρεύεις | aramak | |
άσπρεσσα | άσπρη | ||
ατά | αυτά | ||
βράδον | βράδυ | ||
εβγαίντς | βγαίνεις | ||
έμορφα | όμορφα | ||
εμπαίν’ | μπαίνει | ||
έν’ | είναι | ||
εξέρ’ | ξέρω/ει, γνωρίζω/ει | ||
εσόν | δικός/ή/ό σου | ||
ευρήκ’ | βρίσκω/ει | ||
ευρήκω | βρίσκω | ||
θάφτ’νε | θάβουν | ||
’ίνουμαι | γίνομαι | ||
’κ’ | δεν | οὐκί<οὐχί | |
κάθαν | κάθε | ||
κατωθύρι | κατώφλι, η παράπλευρη και κάτω ξύλινη δοκός της πόρτας, ο πρόδρομος | ||
κεμεντζ̌έ | λύρα | kemençe/kemānçe | |
’κι | δεν | οὐκί<οὐχί | |
κλαινί͜εις | κάνεις κάποιον να κλάψει, στενοχωρείς | ||
λέγ’ν’ | λένε | ||
λελεύω | χαίρομαι | ||
μετ’ | μαζί με (με αιτιατική), με (τρόπος) | ||
μουχαπέτα̤ | κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής) | muhabbet/maḥabbet | |
νεφιλέν | μάταιο/α, ανώφελο/α | nafile/nāfile | |
οφρύδα̤ | φρύδια | ||
παιδάς | παιδί, νέος άντρας | ||
παίρτς | παίρνεις | ||
παίρω | παίρνω | ||
παράδες | λεφτά, χρήματα | para/pāre | |
πελά̤ν | βάσανο, σκοτούρα | bela | |
περ’μένω | περιμένω | ||
ρούζ’ | πέφτει, ρίχνει | ||
σεβντά | αγάπη, έρωτας | sevda/sevdā | |
σεβνταλής | ερωτοχτυπημένος, ερωτευμένος | sevdalı | |
σ̌υρίζω | σφυρίζω, παίζω αυλό | σῦριγξ | |
ταφίν | τάφος | ||
τιδέν | τίποτα | ||
τραγωδώ | τραγουδάω | ||
φουρκίεται | πνίγεται | ||
φωλέα | φωλιά | ||
χ̌ι͜όν’ | χιόνι | ||
χάμαι | χάνομαι, μτφ. πεθαίνω | ||
ψ̌ην | ψυχή |
α) Στίχοι - Μουσική: Παραδοσιακό, β) Στίχοι - Μουσική: Κώστας Καραπαναγιωτίδης - Γιώργος Σπινθηρόπουλος - Κώστας Κωνσταντινίδης, γ) Στίχοι - Μουσική: Γιάννης Καραπαναγιωτίδης