Δείξον με δρόμον

Προβολή Τραγουδιού

Στιχουργοί: Παραδοσιακό, Χρήστος Αντωνιάδης

Καλλιτέχνες: Κώστας Σιαμίδης, Σωκράτης Κυψελίδης

Δείξον την στράτα σ’ θα ’ρχουμαι
την νύχταν ν’ ανταμούμες
Ομμάτ’ να μη τσαμμώνομεν
ύπνον να μη κοιμούμες

Δείξον την στράτα σ’ θα ’ρχουμαι
του κάκου μ’ αραεύω
Σα ξένα αυλία ’κ’ επορώ
την ψ̌η μ’ να τοπλαεύω

Δείξον με τ’ οσπιτόπο σου
την πόρτα σ’ ας εξέρω
Μεσανυχτί’ θ’ ανοίγ’ ατο
και ντο χρωστείς θα παίρω

Δείξον με το κρεβατόπο σ’,
πουλόπο μ’, χάιτε ας πάμε!
Ανοίξον τ’ εγκαλιόπο σου
να ρούζω απέσ’ και χάμαι

Γλωσσάρι

Κείμενο	Επεξήγηση	Ετυμ. Ρίζα
ανταμούμες	ανταμώνουμε
απέσ’	μέσα
αραεύω	ψάχνω, αναζητώ, γυρεύω	aramak
αυλία	αυλές
δείξον	(προστ.) δείξε
εγκαλιόπο	αγκαλίτσα
επορώ	μπορώ
’κ’	δεν	οὐκί<οὐχί
κοιμούμες	κοιμόμαστε
κρεβατόπο	κρεβατάκι
μεσανυχτί’	την ώρα του μεσονυχτίου
ομμάτ’	μάτι
οσπιτόπο	σπιτάκι	hospitium<hospes + -όπον
παίρω	παίρνω
πουλόπο	πουλάκι
ρούζω	πέφτω, ρίπτω
’ρχουμαι	(έρχουμαι) έρχομαι
τοπλαεύω	μαζεύω, συγκεντρώνω	toplamak
τσαμμώνομεν	κλείνουμε, σφαλίζουμε	καμμύω
χάιτε	άντε	haydi<hay de (οθωμ.)
χάμαι	χάνομαι, μτφ. πεθαίνω
ψ̌η	ψυχή