Προβολή Τραγουδιού
Ατώρα όλια ψεύτικα |
Καρδίας ανοιγάρ’Στιχουργοί: Χρήστος Αντωνιάδης
Συνθέτες: Παραδοσιακό
Καλλιτέχνες: Κώστας Σιαμίδης, Σωκράτης Κυψελίδης
Με το χαβίτς ετράνυνα, με το ξερόν τσ̌ορτάνιν και με τ’ οκάδες έπινα ν’ αποδιψώ το τάνιν Ατώρα όλια ψεύτικα, όλια μεταλλαγμένα Φαΐν, ποτήν και σεβνταλούκ’ όλια σ’ ομμάτι͜α μ’ ξένα Εγέμ’νε με το στυποζώμ’ αΐκον παλληκάρι Έσπιγγα και -ν- ετσούμιζα σην βούρα μ’ το λιθάρι Ατώρα όλια ψεύτικα, όλια μεταλλαγμένα Φαΐν, ποτήν και σεβνταλούκ’ όλια σ’ ομμάτι͜α μ’ ξένα Το κορτσόπον π’ εγάπεσα, εγάπεσα τογρία Έκλεψα ’το μεσανυχτί’ κι εκρύφτα σα ραχ̌ία Ατώρα όλια ψεύτικα, όλια μεταλλαγμένα Φαΐν, ποτήν και σεβνταλούκ’ όλια σ’ ομμάτι͜α μ’ ξένα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αΐκον | τέτοιο/α | ||
| αποδιψώ | ξεδιψώ | ||
| ατώρα | τώρα | ||
| βούρα | χούφτα | vola=η παλάμη του χεριού ή το πέλμα του ποδιού | |
| εγάπεσα | αγάπησα | ||
| εγέμ’νε | έγινα | ||
| εκρύφτα | κρύφτηκα | ||
| έσπιγγα | έσφιγγα | ||
| ετράνυνα | μεγάλωσα | ||
| ετσούμιζα | στράγγιζα, έστιβα | ||
| κορτσόπον | κοριτσάκι | ||
| μεσανυχτί’ | την ώρα του μεσονυχτίου | ||
| οκάδες | οθωμανική μονάδα μέτρησης μάζας | ||
| όλια | όλα | ||
| ομμάτι͜α | μάτια | ||
| ποτήν | κάθε οινοπνευματώδες ποτό, πιοτί | ||
| ραχ̌ία | ράχες, βουνά | ||
| σεβνταλούκ’ | έρωτας | sevdalık | |
| στυποζώμ’ | ζουμί τουρσιού | ||
| τάνιν | το υγρό υπόλειμμα ορού γάλακτος ή κρέμας μετά το ανακάτεμα του βουτύρου | Թան (tan)=λιώνω, ρέω | |
| ’το | αυτό, το (προσωπική αντωνυμία) | ||
| τογρία | αληθινά, ίσια, ευθεία, σωστά | doğru | |
| τσ̌ορτάνιν | είδος σκληρού τυριού από μυζήθρα αποβουτυρωμένη και ξηραμένη στον ήλιο | չոր (ch’vor)=ξερό + Թան (tan)=λιώνω, ρέω | |
| χαβίτς | είδος εδέσματος που γίνεται με καλαμποκάλευρο και ανθόγαλα ή βούτυρο |
