Βιώματα 32

Προβολή Τραγουδιού

Στιχουργοί: Κώστας Διαμαντίδης, Παραδοσιακό

Καλλιτέχνες: Γιάννης Τσιτιρίδης, Μπάμπης Κεμανετζίδης

Θα ’κχ̌ύνω δάκρυ͜α θλιβερά
τα φύλλα να μαραίν’νταν
και τα κλαδία τη δεντρού
κι εκείνα να ξεραίν’νταν

Η καρδία μ’ ζαΐφκον έν’
τ’ εσόν η εγάπ’ νικά ’το
Φαρμάκωσον με από μακρά
κανείς πα μ’ εγροικά ’το

Όντες διψάς, αρνόπο μου,
τα λίβι͜α θα τσουμίζω
κι όντες ριγάς, πουλόπο μου,
τον ήλιον θα σταλίζω

Πώς εθέλ’να σο καρδόπο σ’
εγώ να έμ’ το αίμαν
Έναν κούρταν να μ’ επορείς,
αρνί μ’, χωρίς εμέναν

Γλωσσάρι

Κείμενο	Επεξήγηση	Ετυμ. Ρίζα
αρνόπο	αρνάκι, χαϊδευτική προσφώνηση γυναίκας
δεντρού	δέντρου
εγάπ’	αγάπη
εγροικά	καταλαβαίνει
εθέλ’να	ήθελα
έμ’	ήμουν
έν’	είναι
επορείς	μπορείς
εσόν	δικός/ή/ό σου
ζαΐφκον	ισχνό, αδύνατο, ελλιπές	zayıf/żaʿīf
καρδόπο	καρδούλα
κούρταν	γουλιά
’κχ̌ύνω	εκχύνω, χύνω, εκβάλλω	εκχύνω<ἐγχέω< ἐν + χέω
λίβι͜α	σύννεφα	λίβος<λείβω
μακρά	(επιρρ.) μακριά, (επιθ.) μακρινά, απομακρυσμένα
μαραίν’νταν	μαραίνονται
ξεραίν’νταν	ξεραίνονται
όντες	όταν
πα	πάλι, επίσης, ακόμα
πουλόπο	πουλάκι
ριγάς	κρυώνεις
σταλίζω	στήνω κτ όρθιο, εμποδίζω κπ να προχωρήσει, σταματώ
’το	αυτό, το (προσωπική αντωνυμία)
τσουμίζω	στίβω
φαρμάκωσον	(προστ.) φαρμάκωσε