Τερέστεν τους Τραντέλλενες

Προβολή Τραγουδιού

Καλλιτέχνες: Γιώργος Σιδηρόπουλος, Φάνης Κουρουκλίδης

Τερέστεν τους Τραντέλλενες,
τερέστεν πώς χορεύ’νε
Κάθαν ποδαρί’ ντώσιμον
τον κόσμον τογραεύ’νε

Χορεύ’νε Τικ, Ομάλ’, Διπάτ’,
χορεύ’νε και Κιουρτζίας
Και το Πιτσ̌άκ’ όντες ακούν
κάμας παίρ’νε φωτίας

Τερέστεν τους Τραντέλλενες
που τα ραχ̌ία ’πέραν
Η γη τρομάζ’ συθέμελα
όντες χορεύ’νε Σέραν

Τερέστεν τους Τραντέλλενες,
τερέστεν τα παιδία
Φτερά έχ’νε σα ποδάρι͜α τουν,
μαχ̌αίρι͜α σην καρδίαν

Γλωσσάρι

Κείμενο	Επεξήγηση	Ετυμ. Ρίζα
έχ’νε	έχουνε
κάθαν	κάθε
Κιουρτζίας	Γεωργίας (ή Gürcistan=χώρα των λύκων), συνεκδ. ο χορός Τας όπως τον έλεγαν αλλιώς στην περιοχή του Καρς	gurğ/gurğān=λύκος
ντώσιμον	χτύπημα
ομάλ’	ομαλό, ευθεία, πεδιάδα
όντες	όταν
παιδία	παιδιά
παίρ’νε	παίρνουν
’πέραν	(επέραν) πήραν
πιτσ̌άκ’	(κυριολ.) μαχαίρι, ο χορός των μαχαιριών	bıçak
ποδαρί’	ποδιού, ποδαριού
ποδάρι͜α	πόδια
ραχ̌ία	ράχες, βουνά
τερέστεν	(προστ.) κοιτάξτε
τογραεύ’νε	κομματιάζουν	doğramak
τουν	τους
τρομάζ’	τρέμει
φωτίας	(γεν.ενικ.) φωτιάς, (ον.πληθ., τα) φωτιές
χορεύ’νε	χορεύουν