Χερίτσα μ’, άιτε ας πάμε

Προβολή Τραγουδιού

Καλλιτέχνες: Γιώργος Σιδηρόπουλος, Φάνης Κουρουκλίδης

Χ̌έρα μ’, πώς εκομπώθα εγώ
σα έμορφα τα κάλλι͜α σ’;
Τ’ ημ’σόν τον βίο μ’ έφαγα,
χ̌έρα μ’, για την εγκάλι͜α σ’

Χ̌ερίτσα μ’, άιτε ας πάμε [ψ̌η μ’]
Χ̌ερίτσα μ’, άιτε ας πάμε
Μακρά ας σ’ ομμάτι͜α τη κοσμί’
και παλαλά -ν- ευτάμε

Τα πρόατα -ν- επούλτσα εγώ,
ίλι͜αμ και τα κριάρι͜α
Δύο, τρία χτηνόπα είν’,
εκείνα τ’ αλμεγάδι͜α

Χ̌ερίτσα μ’, άιτε ας πάμε [ψ̌η μ’]
Χ̌ερίτσα μ’, άιτε ας πάμε
Μακρά ας σ’ ομμάτι͜α τη κοσμί’
και παλαλά -ν- ευτάμε

Χ̌ερίτσα μ’, πάει να βασιλεύ’,
ο ήλον πάει ση Δύσην
Τα παλληκάρι͜α τη χωρί’
πώς τρέχ’νε/πουλόπο μ’, απ’ οπίσ’ ι-σ’

Χ̌ερίτσα μ’, άιτε ας πάμε [ψ̌η μ’]
Χ̌ερίτσα μ’, άιτε ας πάμε
Μακρά ας σ’ ομμάτι͜α τη κοσμί’/χωρί’
και παλαλά -ν- ευτάμε

Χ̌ερίτσα μ’, άιτε ας πάμε [ψ̌η μ’]
Χ̌ερίτσα μ’, άιτε ας πάμε
Μακρά ’ς σ’ ομμάτι͜α τη κοσμί’
και παλαλά -ν- ευτάμε

Γλωσσάρι

Κείμενο	Επεξήγηση	Ετυμ. Ρίζα
άιτε	άντε	haydi<hayde
αλμεγάδι͜α	τα πρόσφορα για άρμεγμα ζώα
ας σ’	(ας σου) από του, από τότε που/αφότου, (ας σο) από το/τα
βίο	βιος, περιουσία
εγκάλι͜α	αγκαλιά
είν’	(για πληθ.) είναι
εκομπώθα	ξεγελάστηκα, εξαπατήθηκα, μτφ. σαγηνεύτηκα	κομβόω
έμορφα	όμορφα
επούλτσα	πούλησα
ευτάμε	κάνουμε, φτιάχνουμε	εὐθειάζω
ημ’σόν	μισό/η
ίλι͜αμ	προπαντώς, ιδιαίτερα, ειδικά	illa/illā
κάλλι͜α	κάλλη
κοσμί’	κόσμου
μακρά	(επιρρ.) μακριά, (επιθ.) μακρινά, απομακρυσμένα
ομμάτι͜α	μάτια
οπίσ’	πίσω
παλαλά	τρελά, τρέλες
πουλόπο	πουλάκι
πρόατα	πρόβατα
’ς	(ας) από
τρέχ’νε	τρέχουν
χ̌έρα	χήρα
χ̌ερίτσα	χηρούλα
χτηνόπα	αγελαδίτσες
χωρί’	χωριού
ψ̌η	ψυχή