Αλάν τουλάν

Προβολή Τραγουδιού

Καλλιτέχνες: Αντώνης Νικηφορίδης, Γιώργος Ορφανίδης

Αλάν τουλάν εποίκες με
τα νύχτας ’κι κοιμούμαι
Ας σον Θεόν να ευρήκ’ς ατο,
οφέτος αν σκοτούμαι

Η καρδι͜ά μ’ έντον γεραλίν
μετ’ εσά τ’ αρσουζλούκια
Εσύ τιδέν ’κι ’ίνεσαι
κρίμαν σα χαβασλούκια μ’

Πασ̌κείμ’ ντ’ εγάπεσα εσέν;
Τέρσα̤ εθαρρείς, μωρέσσα!
Εμέν η Τσ̌όφα είπε με
ντο είσαι εσύ λειφτέσσα

Γλωσσάρι

Κείμενο	Επεξήγηση	Ετυμ. Ρίζα
αλάν τουλάν	άνω κάτω	alan talan<αλλ' αντ' άλλων
αρσουζλούκια	ξεδιαντροπιές, θρασύτητες	arsızlık
ας σον	απ’ τον	ασό σον (από τον)
γεραλίν	πληγωμένο, τραυματισμένο	yaralı
εγάπεσα	αγάπησα
εθαρρείς	θαρρείς, νομίζεις, υποθέτεις
έντον	έγινε
εποίκες	έκανες, έφτιαξες	ποιέω-ῶ
εσά	δικά σου/σας
ευρήκ’ς	βρίσκεις
’ίνεσαι	γίνεσαι
’κι	δεν	οὐκί<οὐχί
κοιμούμαι	κοιμάμαι
λειφτέσσα	ελλιπής, ολιγόμυαλη
μετ’	μαζί με (με αιτιατική), με (τρόπος)
μωρέσσα	ανόητη, χαζή
νύχτας	(ον.πληθ.,τα) νύχτες
οφέτος	φέτος
πασ̌κείμ’	μήπως, μήπως (και)	πᾶς καί ἔνι
σκοτούμαι	σκοτώνομαι
τέρσα̤	(επίρρ) ανάποδα, αντίθετα	ters
τιδέν	τίποτα
Τσ̌όφα	(γυν. όνομα) Σοφία
χαβασλούκια	πόθοι, επιθυμίες, γούστα	heves