Έρθεν το πρώτον η σεβτά

Έρθεν το πρώτον η σεβτά μ’
κι εντώκεν η καρδία μ’ [βάι]
Λες κι έρθαν τα νεότητα μ’
οπίσ’ ξαν αλλομίαν [βάι]

Ετέρεσα και σην αϊνάν
τα άσπρα τα μαλλία μ’ [βάι]
Εθάρρεσα είν’ δεύτερον,
τα νιάτα έρχουν μίαν [βάι]

Ντ’ εδέβαν οπίσ’ ’κ’ έρχουνταν,
νουνίζ’ ατα ανοί’νε [βάι]
γεράδας ντο αιμορραγούν
φαρμάκ’ στο στόμαν δίν’νε [βάι]

Βάσταξον, κάρδα̤ μ’, βάσταξον
άλλεν εγάπ’ φέρ’ κλαίητα [βάι]
Ποτί͜ει σε δηλητήριον,
κρεμίζ’ όλα τ’ ονέρ’τα [βάι]