Τα προσφυγόπουλα

Προβολή Τραγουδιού

Συνθέτες: Βασίλης Κασούρας, Παραδοσιακό, Φάνης Κουρουκλίδης

Καλλιτέχνες: Βαγγέλης Ιντζεβίδης, Βίκη Μιχαηλίδου, Κώστας Σιώπης, Φάνης Κουρουκλίδης

Προσφυγόπουλον, ντό κλαις
και καν’νάν τιδέν ’κι λες;
Πέει μας κάτ’ για τη ζωή σ’
και ας ελαφρύν’ η ψ̌η σ’

Έρημον και μαναχόν,
σααπσούζ’κον κι ορφανόν
Ντ’ έχω απέσ’ και σην καρδία μ’
έξ’ ’κ’ εβγάλλ’ ατα καμίαν

Όσοι απ’ εμάς πονούν,
τ’ έναν τ’ άλλο αγαπούν
Μέρ’ ο νους ι-σ’ ταξιδεύ’,
μέρ’ και τίναν αραεύ’;

Τη πατρίδας οι καημοί,
δάκρυ͜α κι αναστεναγμοί
Ποίον πρώτα να αγγεύω,
άθελα μ’ πονώ και κλαίω

Τα παράπονα τ’ εσά,
απαράλλαχτα τ’ εμά
Το φαρμάκ’ ντο πίντς θα πίνω
και το ψ̌όπο σ’ να ’λαφρύνω

Δά̤κρυ͜α εγώ, τέρτι͜α εσύ
ατά έρχουνταν μαζί
Εύρα άνθρωπον τ’ εμόν
τη γερὰ μ’ για να λαρών’

Δά̤κρυ͜α εγώ, τέρτι͜α εσύ
ατά έρχουνταν μαζί
Εύρα άνθρωπον τ’ εμόν
τη γερὰ μ’ για να λαρών’

Γλωσσάρι

Κείμενο	Επεξήγηση	Ετυμ. Ρίζα
αγγεύω	προσεγγίζω, αναφέρω
απαράλλαχτα	απολύτως όμοια, με απαράλλακτο τρόπο
απέσ’	μέσα
αραεύ’	ψάχνω/ει, αναζητώ/άει, γυρεύω/ει	aramak
ατά	αυτά
ατα	αυτά
γερὰ	πληγή, τραύμα	yara
εβγάλλ’	βγάζω/ει
εμά	δικά μου
εμόν	δικός/ή/ό μου	ἐμοῦ
έξ’	έξω ή ο αριθμός έξι
έρχουνταν	έρχονται
εσά	δικά σου/σας
εύρα	βρήκα, (ιδιωμ. προστ.) βρες
’κ’	δεν	οὐκί<οὐχί
καμίαν	ποτέ
καν’νάν	κανέναν
’κι	δεν	οὐκί<οὐχί
λαρών’	γιατρεύει, θεραπεύει
μαναχόν	(έναρθρο) μοναχός, μοναχό, (επίρρ) μόνο/μοναχά
μέρ’	(μέρου, επιρρ.) πού, προς ορισμένο μέρος, όποιος
πέει	(προστ.) πες
πίντς	πίνεις
σααπσούζ’κον	αυτό που είναι χωρίς ιδιοκτήτη, αδέσποτο, αφύλακτο, απροστάτευτο, μτφ. ορφανό	sahipsiz
τέρτι͜α	καημοί, βάσανα, στενοχώριες	dert
τιδέν	τίποτα
τίναν	ποιον/α
ψ̌η	ψυχή
ψ̌όπο	ψυχούλα