Προβολή Τραγουδιού
Στον καπιτάνιο της Σάντας |
Θα αξιών’ με ο ΘεόνΣτιχουργοί: Νάκος Ευσταθιάδης
Συνθέτες: Παραδοσιακό, Φάνης Κουρουκλίδης
Καλλιτέχνες: Φάνης Κουρουκλίδης
Ευκλείδης έτον αετός ση Σάντας τα ραχ̌ία Τραντέλλενας, Δρακέλλενας, σα μὲσα τ’ τα σπαθία Ευκλείδης, Ευκλείδης, τη Σάντας ο Ευκλείδης Μολύβ’ ατόν ’κ’ εσκότωνεν, λέ’ α̤’ και ο Ευφραιμίδης Τ’ αλόγο σ’ εκαβάλκευες κι ας έσ’νε νυσταγμένος Ση μάχην έσ’νε εμπροστά διπλοαρματωμένος Ευκλείδης, Ευκλείδης, ο καπιτάν Ευκλείδης Σπαθία ’κ’ εφογούσονε είπεν κι ο Τσ̌ορτανίδης Σα διωγμούς ανήμπορους, παιδόπα και νυφάδες Ευκλείδης επροστάτευεν τοι γέρτς και τοι μανάδες Ευκλείδης, Ευκλείδης, τη Σάντας ο Ευκλείδης Μολύβ’ ατόν ’κ’ εσκότωνεν, λέ’ α̤’ και ο Ευφραιμίδης Ο καπιτάνον έλεεν «τα όρφανα παιδία μ’ σην ψ̌η μ’ είναι οι πρόσφυγες, η Σάντα σην καρδία μ’» Ευκλείδης, Ευκλείδης, ο καπιτάν Ευκλείδης Σπαθία ’κ’ εφογούσονε είπεν κι ο Τσ̌ορτανίδης
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| α̤’ | (α̤τό) αυτό, το | ||
| γέρτς | γέρους | ||
| έλεεν | έλεγε | ||
| εμπροστά | μπροστά, πρωτύτερα | ||
| έσ’νε | ήσουν | ||
| έτον | ήταν | ||
| ’κ’ | δεν | οὐκί<οὐχί | |
| μὲσα | (τα) η μέση | ||
| νυφάδες | νύφες | ||
| παιδία | παιδιά | ||
| παιδόπα | παιδάκια | ||
| ραχ̌ία | ράχες, βουνά | ||
| σπαθία | σπαθιά | ||
| τοι | τους/τις | ||
| Τραντέλλενας | ο τριάντα φορές Έλληνας | ||
| ψ̌η | ψυχή |
