Παρταπάσ̌ι͜α

Προβολή Τραγουδιού

Καλλιτέχνες: Γιώργος Σιδηρόπουλος, Μπάμπης Ιορδανίδης, Μπάμπης Κεμανετζίδης

Πουλόπο μ’, σο χωρίο σουν
ντό παρταπάσ̌ι͜α είσταν!
Τη νύχταν χορτλαεύετε
και την ημέρα κείσταν

Κείσταν, κοιμούσταν, πρέσκουσταν,
σην εκκλησίαν ’κ’ έρχουσταν
Ντό χριστιανοί είσταν;

Όλι͜α καλά και -ν- έμορφα
για πέει με, εσείς πώς είστουν;
Για πέει με εμέν ντό χ̌αίρουστουν,
σα τέρτι͜α πώς λαρούστουν;

Κείστουν, κοιμούστουν, πρέσκουστουν,
σην εκκλησίαν ’κ’ έρχουστουν
Ντό χριστιανοί είστουν;

Και -ν- είσταν, είστουν, είμες-ε,
πουλί μ’, ας έναν τόπον
Ελλάδα -ν- η πατρίδα μουν,
σην καρδι͜άν μουν ο Πόντον

Σ’ εμέτερον το χωρίον,
με τη ζέστα̤, με τον κρύον,
τρώμε, πίνομ’, τραγωδούμε
κεμεντζ̌έν όντες ακούμε

Γλωσσάρι

Κείμενο	Επεξήγηση	Ετυμ. Ρίζα
είμες	είμαστε
είσταν	είστε
είστουν	είστε
εμέτερον	δικός/ή/ό μου	ἡμέτερος
έμορφα	όμορφα
έρχουσταν	έρχεστε
έρχουστουν	έρχεστε
ζέστα̤	ζέστη
’κ’	δεν	οὐκί<οὐχί
κείσταν	κείτεστε, ξαπλώνετε
κείστουν	κείτεστε, ξαπλώνετε
κεμεντζ̌έν	λύρα	kemençe/kemānçe
κοιμούσταν	κοιμάστε
κοιμούστουν	κοιμάστε
λαρούστουν	γιατρεύεστε, θεραπεύεστε
μουν	μας
όντες	όταν
παρταπάσ̌ι͜α	άτακτα/οι, που δεν κάθονται φρόνιμα
πέει	(προστ.) πες
πίνομ’	πίνουμε
πουλόπο	πουλάκι
πρέσκουσταν	πρήζεστε
πρέσκουστουν	πρήζεστε
σουν	σας
τέρτι͜α	καημοί, βάσανα, στενοχώριες	dert
τραγωδούμε	τραγουδάμε
χ̌αίρουστουν	χαίρεστε
χορτλαεύετε	βρικολακιάζετε