Προβολή Τραγουδιού
Αδέλφι͜α |
Αδέλφι͜αΣτιχουργοί: Κώστας Παπαδόπουλος
Συνθέτες: Γιώργος Ακριβόπουλος
Καλλιτέχνες: Άκης Κοπαλάς, Αλέξανδρος Κοπαλάς, Γιώργος Παπαδόπουλος, Κώστας Παπαδόπουλος
Δύο αδέλφι͜α είμες εμείς ζούμε μ’ έναν καρδίαν Τα ψ̌όπα μουν εντάμαν πάν’, ’κι χωρίγουν καμίαν Να ζει η μάνα που γεννά αδέλφι͜α αγαπεμένα Σην ψ̌ην ατ’ς τριαντάφυλλα σο κορμίν ατ’ς δεμένα Τ’ αδέλφι͜α πάντα αδέλφι͜α είν’, ο εις τον άλλον θέλ’νε Μαζί μοιρά̤ουν τη χαράν, μαζί σον πόνον κλαίνε Να ζει η μάνα που γεννά αδέλφι͜α αγαπεμένα Σην ψ̌ην ατ’ς τριαντάφυλλα σο κορμίν ατ’ς δεμένα Αν σ̌κί͜εις τ’ έναν το καρδόπον απέσ’ θα ευρήκ’ς τον άλλον Ατόσον και δεμένα είν’ ’κι λογαρι͜άζ’νε Χάρον Να ζει η μάνα που γεννά αδέλφι͜α αγαπεμένα Σην ψ̌ην ατ’ς τριαντάφυλλα σο κορμίν ατ’ς δεμένα Να ζει η μάνα που γεννά αδέλφι͜α αγαπεμένα Σην ψ̌ην ατ’ς τριαντάφυλλα σο κορμίν ατ’ς δεμένα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αγαπεμένα | αγαπημένα | ||
| απέσ’ | μέσα | ||
| ατόσον | τόσο | ||
| ατ’ς | αυτής, της | ||
| είμες | είμαστε | ||
| είν’ | (για πληθ.) είναι | ||
| εντάμαν | μαζί | ||
| ευρήκ’ς | βρίσκεις | ||
| θέλ’νε | θέλουν | ||
| καμίαν | ποτέ | ||
| καρδόπον | καρδούλα | ||
| ’κι | δεν | οὐκί<οὐχί | |
| λογαρι͜άζ’νε | λογαριάζουν | ||
| μοιρά̤ουν | μοιράζονται | ||
| μουν | μας | ||
| σ̌κί͜εις | σκίζεις | ||
| χωρίγουν | χωρίζονται, ξεχωρίζονται | ||
| ψ̌ην | ψυχή | ||
| ψ̌όπα | ψυχούλες |
