Προβολή Τραγουδιού

Κεμεντζ̌έ μ’, το θάμα σ’

Τα τίκια τα ανήκουστα, τα διπάτ και τα σαρικούζι͜α

Συνθέτες: Παναγιώτης Κοσμίδης, Σταύρος Πετρίδης

Καλλιτέχνες: Μιχάλης Καλιοντζίδης, Σταύρος Πετρίδης

Τραγωδώ και παίζω,
γιαβρί μ’, κεμεντζ̌έν
Καρδίας κλαινίζω
και νασάν εμέν!

Σύρω τοξαρέας,
παίζω την καϊτέν
Εσέν την παντέμορφον
να/θα παίρω μετ’ εμέν

Μουχαπέτ’ ευτάω
με την κεμεντζ̌έν
Τρανόν η παρέα μ’
ντο έχω μετ’ εμέν

Κορτσόπα, νυφάδες,
έμορφοι χ̌εράδες
εντάμαν γλεντούνε
ους το μεσημέρ’

Σύρω τραγωδίας,
η ψ̌η φτιλακίζ’
Και -ν- η τοξαρέα
καρδόπα τυρα̤ννίζ’

Κεμεντζ̌έ μ’, το θάμα σ’
έν’ πολλά τρανόν
και -ν- η τοξαρέα
δώρο ας σον Θεόν

Γλωσσάρι

Κείμενο	Επεξήγηση	Ετυμ. Ρίζα
γιαβρί	μωρό, μικρό, παιδί	yavru
έμορφοι	όμορφοι/ες
έν’	είναι
εντάμαν	μαζί
ευτάω	κάνω, φτιάχνετε	εὐθειάζω
θάμα	θαύμα
καϊτέν	μελωδία, μουσική σύνθεση, μουσικός σκοπός	kayde
καρδίας	(τη, γεν.) καρδιάς, (τα, ονομ. πληθ.) καρδιές
καρδόπα	καρδούλες
κεμεντζ̌έ	η λύρα	kemençe/kemānçe
κεμεντζ̌έν	λύρα	kemençe/kemānçe
κλαινίζω	κάνω κάποιον/ους να κλάψει/ουν, στενοχωρώ
κορτσόπα	κοριτσάκια
μετ’	μαζί με (με αιτιατική), με (τρόπος)
μουχαπέτ’	κουβέντα, φιλική συνομιλία, συνεκδ. φιλική συνεστίαση (συνήθως μετά μουσικής)	muhabbet/maḥabbet
νασάν	χαρά σε
νυφάδες	νύφες
ους	ως, μέχρι
παίρω	παίρνω
παντέμορφον	πανέμορφο/η
πολλά	πολλά (επίθ.), πολύ (επίρ.)
σύρω	σέρνω, τραβώ, ρίχνω
τοξαρέα	δοξαριά
τοξαρέας	δοξαριές
τραγωδίας	τραγούδια
τραγωδώ	τραγουδάω
τυρα̤ννίζ’	τυραννάω/ει, ταλαιπωρώ/εί
φτιλακίζ’	σπαρταρά, πάλλεται γρήγορα
χ̌εράδες	χήρες
ψ̌η	ψυχή