Το γεργάνι μ’ ’ίνεσαι

Προβολή Τραγουδιού

Συνθέτες: Bahattin Çamurali, Παραδοσιακό

Καλλιτέχνες: Ανθή Νικολαΐδη, Γεύση Νικολαΐδη, Δημήτρης Καραντωνίου, Δημήτρης Ξενιτόπουλος, Πέλα Νικολαΐδη, Χριστόφορος Κοσμίδης

Αν θα ’βρήκ’ς το βοτάνιν
ντο λαρών’ το καρδόπο μ’
τη στράταν έπαρ’ κι έλα
έμπα απέσ’ σ’ εγκαλιόπο μ’

♫

Αν τα χ̌ειλόπα μ’ γελούν
εσέν όντες θα τερούν
Δὼμα ας σην ψ̌η σ’ το μέλ’,
εσέν το καρδόπο μ’ θέλ’

Αν θα καντουρεύ’νε σε,
τ’ ομμάτι͜α μ’ αν καίνε σε
Φίλ’ με νύχταν, μεσημέρ’
χ̌ειμωγκόν και καλοκαίρ’

Αν θα μέντς και σην οτά μ’
γουρπάν’ ση σεβντά σ’, γουρπάν’!
Τα χ̌έρι͜α μ’ ’κι αφήν’νε σε,
το γεργάνι μ’ ’ίνεσαι

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αφήν’νε	αφήνουν
’βρήκ’ς	(ευρήκ’ς) βρίσκεις
γεργάνι	πάπλωμα	yorgan
γουρπάν’	θυσία	kurban/ḳurbān
δὼμα	δώσε μου
εγκαλιόπο	αγκαλίτσα
έμπα	(προστ.) μπες
έπαρ’	(προστ.) πάρε
’ίνεσαι	γίνεσαι
καντουρεύ’νε	ξεγελούν, εξαπατούν, κοροϊδεύουν	kandırmak
καρδόπο	καρδούλα
’κι	δεν	οὐκί<οὐχί
λαρών’	γιατρεύει, θεραπεύει
μέλ’	μέλι
μέντς	μένεις
ομμάτι͜α	μάτια
όντες	όταν
οτά	δωμάτιο	oda
σεβντά	αγάπη, έρωτας	sevda/sevdā
τερούν	κοιτούν
φίλ’	(προστ. φιλώ) φίλα, (πληθ. φίλον) φίλοι
χ̌ειλόπα	χειλάκια
χ̌ειμωγκόν	(ονομ.) χειμώνας, (γεν.) χειμώνα
ψ̌η	ψυχή