Ποντιακός Στίχος

Προβολή Τραγουδιού

Κατεβάστε τους στίχους σε PDF

Πατέρα

Κωφά ας έσαν τ’ ωτία μ’Κωφά ας έσαν τ’ ωτία μ’

Στιχουργοί: Χρήστος Παρχαρίδης

Συνθέτες: Παραδοσιακό

Καλλιτέχνες: Χαράλαμπος Παρχαρίδης, Χρήστος Παρχαρίδης


Πατέρα, τρανόν τ’ όνεμα σ’,
κι άλλο τρανόν εγάπη σ’
Καλά ακόμαν ’κ’ εγνώρτσα σε
ας σον κόσμον εχάθες

Το στήριγμαν απέσ’ σ’ οσπίτ’
καμίαν κα’ ’κ’ ερρούζ’νες
Την ψ̌η σ’ πα να εράευα,
εκείνον πα θ’ εδούν’νες

Το ψ̌όπο σ’ σον παράδεισον
θά ’ρχουμαι ν’ αραεύω
Ώσπουτα ζω απάν’ ση γην
εσέναν θα λατρεύω

Πατέρα, ’κι ανασπάλλω σε,
εσέν πάντα θυμούμαι!
Εγώ με τ’ εσόν τ’ όνεμαν,
βραδήν κείμαι και σ’κούμαι

Έκιτι κόσμος άκλερος,
θάνατος να μη έτον!
Πατέρα, εγώ σιμά σ’ εσέν,
πίκρα ’κ’ έξερα ντ’ έτον
Γλωσσάρι
ΚείμενοΕπεξήγησηΕτυμ. ΡίζαΠροέλευση
άκλεροςάκληρος, φτωχός, δύστυχος, ταλαίπωρος
ανασπάλλωξεχνώ
απάν’πάνω
απέσ’μέσα
αραεύωψάχνω, αναζητώ, γυρεύω aramak
βραδήνβράδυ
εγάπηαγάπη
εγνώρτσαγνώρισα
εδούν’νεςέδινες
έκιτιέκφραση αναπόλησης που υποδηλώνει νοσταλγία για κάτι παρελθοντικό hey gidi
έξεραήξερα
εράευαέψαχνα, γύρευα aramak
ερρούζ’νεςέπεφτες
εσόνδικός/ή/ό σου
έτονήταν
εχάθεςχάθηκες
θυμούμαιθυμάμαι
’κ’δεν οὐκί<οὐχί
κα’κάτω
καμίανποτέ
κείμαικείτομαι, ξαπλώνω
’κιδεν οὐκί<οὐχί
όνεμαόνομα
όνεμανόνομα
οσπίτ’σπίτι hospitium<hospes
παπάλι, επίσης, ακόμα
’ρχουμαι(έρχουμαι) έρχομαι
σ’κούμαισηκώνομαι
ψ̌ηψυχή
ψ̌όποψυχούλα
ώσπουταέως ότου, ενόσω

Ποντιακός Στίχος - Pontian Lyrics 2025

Τραγούδια: 9575 | Albums/Singles: 1694 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr