Ποντιακός Στίχος

Προβολή Τραγουδιού

Τα κάλλι͜α και τ’ εμορφάδας/Ας σ’ άσπρα κι ας σα κόκκινα

Ποίον έν’ η πατρίδα μ’;Ποίον έν’ η πατρίδα μ’;

Στιχουργοί: Παραδοσιακό

Συνθέτες: Παραδοσιακό, Χαράλαμπος Παρχαρίδης

Καλλιτέχνες: Χαράλαμπος Παρχαρίδης, Χρήστος Παρχαρίδης


Τα κάλλι͜α και τ’ εμορφά̤δας,
τρυγόνι μ’, ντο θα ’φτας; -ι
Εκεί σον κόσμον πασ̌κείμ’ ντο
θα παίρτς ατα και πας; -ι

Ανάθεμα ντο έταξες,
ανάθεμα ντ’ εδώκες
Σου τουσ̌μανίων τα χ̌έρι͜α
την ψ̌η μ’ επαρεδώκες

Που αποθάν’ ’κι κλώσ̌κεται
και που γερά ’κι νείται
Έλα, τρυγόνι μ’/τρυγόνα μ’, μετ’ εμέν
ντ’ εποίκες με κανείται

♫

Ας σ’ άσπρα κι ας σα κόκκινα
ασ’ όλια εσύ -ν- επέρες
Εσύ -ν- είσαι τραντάφυλλον
ντο φυτρών’ σα παχτσ̌έδες

Εγώ αγαπώ σε κι έρχουμαι
κι εσύ παραμερί͜εις με
Ντόσιλεον καρδόπον έ͜εις;
Σίτι͜α γελώ, κλαινί͜εις με
Γλωσσάρι
ΚείμενοΕπεξήγησηΕτυμ. ΡίζαΠροέλευση
αποθάν’πεθαίνει
ας σ’(ας σου) από του, από τότε που/αφότου, (ας σο) από το/τα
ασ’από
ατααυτά
γεράγερνάει
έ͜ειςέχεις
εδώκεςέδωσες
εμορφά̤δαςομορφιές
επαρεδώκεςπαρέδωσες
επέρεςπήρες
εποίκεςέκανες, έφτιαξες ποιέω-ῶ
έρχουμαιέρχομαι
κάλλι͜ακάλλη
κανείταιφτάνει, είναι αρκετό
καρδόπονκαρδούλα
’κιδεν ουκί<οὐχί
κλαινί͜ειςκάνεις κάποιον να κλάψει, στενοχωρείς
κλώσ̌κεταιγυρίζει, επιστρέφει
μετ’μαζί με (με αιτιατική), με (τρόπος)
νείταιανανεώνεται, ξανανιώνει
ντόσιλεοντί λογής;
όλιαόλα
παίρτςπαίρνεις
παραμερί͜ειςπαραμερίζεις
πασ̌κείμ’μήπως, μήπως (και) πᾶς καί ἔνι
παχτσ̌έδεςκήποι, περιβόλια bahçe/bāġçe
σίτι͜ακαθώς, ενώ σόταν<εις όταν
τουσ̌μανίωνεχθρών düşman/duşmān
τρυγόνατο πουλί τρυγόνι, χαϊδευτική προσφώνηση γυναίκας
τρυγόνιτο πουλί τρυγόνι, χαϊδευτική προσφώνηση γυναίκας
’φτας(ευτάς) κάνεις, φτιάχνεις εὐθειάζω
ψ̌ηψυχή
Σημειώσεις
Μουσική α’ κομματιού: Χαράλαμπος Παρχαρίδης

Ποντιακός Στίχος - Pontian Lyrics 2024

Τραγούδια: 7860 | Albums/Singles: 1121 | Συντελεστές: 1524 | Λήμματα: 12572
Επικοινωνία: infoDUMMY@pontianlyrics.gr