Κουνί’ μωρόν

Προβολή Τραγουδιού

Στιχουργοί: Θεόφιλος Πουταχίδης, Κώστας Διαμαντίδης

Συνθέτες: Θεόφιλος Πουταχίδης, Φάνης Κουρουκλίδης

Το καρδόπο μ’, κουνί’ μωρόν,
κάθαν ημέραν κλαίει
κι αροθυμίας άψιμον
το ψ̌όπο μ’ κατακαίει

Παλληκαρόπον σεβτι͜αλίν
ας ση σεβτάν ελύεν
Εποίκεν «αχ!» κι ας το ραχ̌ίν
λιθάρ’ επεκολλίεν

Έμορφος και παντέμορφος,
πουλίκα μ’, πιτσ̌ιμλίσσα
Για τ’ εσέν σύρω βάσανα,
την ψ̌η μ’ σαρεύ’ η δείσα

Θα τρώγω και τελένω σε,
θα πίνω και κουρτώ σε
Θα δάκω και κλαινίζω σε
όσον πολλά αγαπώ σε

Γλωσσάρι

Κείμενο	Επεξήγηση	Ετυμ. Ρίζα
αροθυμίας	(γεν.) νοσταλγίας, (πληθ.) νοσταλγίες
άψιμον	φωτιά
δάκω	δαγκώνω
δείσα	ομίχλη	δεῖσα=υγρασία, λάσπη, βρωμιά
ελύεν	λύθηκε, έλιωσε
έμορφος	όμορφος/η
επεκολλίεν	αποκολλήθηκε
εποίκεν	έκανε, έφτιαξε	ποιέω-ῶ
κάθαν	κάθε
καρδόπο	καρδούλα
κλαινίζω	στενοχωρώ, κάνω κπ να κλάψει
κουνί’	κούνιας
κουρτώ	καταπίνω
λιθάρ’	λιθάρι, πέτρα
παλληκαρόπον	παλληκαράκι	παλληκάριον<πάλληξ, πάλλαξ
παντέμορφος	πανέμορφη
πιτσ̌ιμλίσσα	όμορφη, καλοσχηματισμένη, κομψή	biçimli
πολλά	(επίθ.) πολλά, (επίρρ.) πολύ
ραχ̌ίν	βουνό, ράχη
σαρεύ’	τυλίγω/ει, περικυκλώνω/ει, εναγκαλίζομαι/εται, μτφ. αρέσει σε	sarmak
σεβτάν	αγάπη, έρωτα	sevda/sevdā
σεβτι͜αλίν	ερωτευμένο, ερωτοχτυπημένο	sevdalı
σύρω	σέρνω, τραβώ, ρίχνω
τελένω	(μεταβ.) τελειώνω κτ
ψ̌η	ψυχή
ψ̌όπο	ψυχούλα

Σημειώσεις

Στίχοι: Κώστας Διαμαντίδης (1ο & 2ο δίστιχο) - Θεόφιλος Πουταχίδης (3ο & 4ο δίστιχο)