Ο Σταύρης ο κεμεντζετσής

Προβολή Τραγουδιού

Καλλιτέχνες: Απαγγελία/Αφήγηση/Ψαλμός, Λάζος Τερζάς, Στάθης Νικολαΐδης, Σταύρος Πετρίδης, Χορωδία

Έικιτι χρόνα̤!
Μωρά έμ’νες κι έκουγαμε τοι κυρούδες εμουν, να τραγωδούν σα μουχαπέτι͜α και σα ονομασέας τα τραγωδίας του Σταύρη του κεμεντζ̌ετζ̌ή...

♫

Ο Σταύρης ο κεμεντζ̌ετσ̌ής
με κάμποσα παιδία
επέρεν την παρέαν ατ’,
εξέβεν σα χωρία

♫

Έι, μάνα! Λιγούται η καρδία μ’. Κι ατώρα σα ημέρας εμουν, ένας άλλος κεμεντζ̌ετσ̌ής, ο Σταύρον, εγγονός του Σταύρη και γιος του πατριάρχη της λύρας του Γώγου εντάμωσαν με τον Στάθιον τον Νικολαΐδην ας ση Ρουσίας τα μέρι͜α. Κι ο ένας σύρ’ την τοξαρέαν ατ’ και ο άλλος, ο γλυκόλαλον -όι! να τρώγω τα ψ̌ήα τ’, εγώ να τρώγω- σύρ’ τα τραγωδίας ατ’. Έι! Νασάν εμάς! Η Ρωμανία επέρασεν. Ανθεί και φέρει κι άλλο!!!

♫

Και με το κεμεντζ̌όπο μου
σον Άδ’ θα κατηβαίνω
Τον πάππο μ’ και τον πατέρα μ’
θα φιλώ και θα φεύω

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
έικιτι	έκφραση αναπόλησης που υποδηλώνει νοσταλγία για κάτι παρελθοντικό ή εκδήλωση συμπόνοιας για κάποιον	hey gidi
έκουγαμε	ακούγαμε
έμ’νες	ήμασταν
εμουν	μας
εξέβεν	βγήκε, ανέβηκε
επέρεν	πήρε
κατηβαίνω	κατεβαίνω
κεμεντζ̌ετζ̌ή	λυράρη	kemençeci
κεμεντζ̌ετσ̌ής	λυράρης	kemençeci
κεμεντζ̌όπο	(υποκορ.) λύρα	kemençe/kemānçe
κυρούδες	πατεράδες
λιγούται	επιθυμεί κτ σφοδρά, χάνει τις αισθήσεις του, λιποθυμά
μέρι͜α	μέρη
μουχαπέτι͜α	κουβέντες, φιλικές συνομιλίες, συνεκδ. φιλικές συνεστιάσεις (συνήθως μετά μουσικής)	muhabbet/maḥabbet
νασάν	χαρά σε
ονομασέας	ονομαστικές εορτές
παιδία	παιδιά
Ρουσίας	Ρωσίας
σύρ’	σύρω/ει, τραβάω/ει, ρίχνω/ει
τοι	τους/τις
τοξαρέαν	δοξαριά
τραγωδίας	τραγούδια
τραγωδούν	τραγουδάνε
φεύω	φεύγω
χρόνα̤	χρόνια
χωρία	χωριά
ψ̌ήα	ψυχές, η περιοχή του στέρνου, τα εσώψυχα

Σημειώσεις

Χορωδία:
Άρτεμις Τριανταφυλλίδου
Χάρης Πανικίδης
Γιώργος Σιαπανίδης
Θανάσης Τσολερίδης
Σοφία Νικολαϊδου
Γιώργος Αμαραντίδης