Όνταν ελέπ’ς με

Προβολή Τραγουδιού

Ψυχής κατάθεση | Τραπεζούντα παντέμορφον

Καλλιτέχνες: Γιάννης Καραδίσογλου, Χαράλαμπος Παρχαρίδης

Όνταν ελέπ’ς με σ’ όνερο σ’
σίτι͜α κοιμάσαι, κλάψον
Μελάν’ ποίσον τα δα̤κρόπα σ’
απέσ’ σην καρδι͜ά σ’ γράψον

Αν ’λέπ’ς με, πουλί μ’/γιαβρί μ’, σ’ όνερο σ’,
πουλί μ’, εγώ να κλαίγω
Εγάπη σ’ κείται απέσ’ σην ψ̌η μ’
για τ’ ατό εγώ ’κι φταίγω

Ο νους ι-μ’ γυροκλώσ̌κεται
κι όλον εσέν νουνίζει
Όνταν θα εβγαίν’ το ψ̌όπο μου
τ’ όνεμα σ’ θα κουίζει

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
γιαβρί	μωρό, μικρό, παιδί	yavru
γράψον	γράψε
γυροκλώσ̌κεται	κλωθογυρίζει
δα̤κρόπα	(υποκορ.) δάκρυα
εβγαίν’	βγαίνει
εγάπη	αγάπη
ελέπ’ς	βλέπεις
κείται	κείτεται, ξαπλώνει
’κι	δεν	οὐκί<οὐχί
κλάψον	(προστ.) κλάψε
κουίζει	φωνάζει, λαλεί, καλεί κπ ονομαστικά
’λέπ’ς	(ελέπ’ς) βλέπεις
νουνίζει	σκέφτεται
όνεμα	όνομα
όνερο	όνειρο
όνταν	όταν
ποίσον	(προστ.) κάνε, φτιάξε	ποιέω, ποιῶ
σίτι͜α	καθώς, ενώ	σόταν<εις όταν
ψ̌η	ψυχή
ψ̌όπο	ψυχούλα