Προβολή Τραγουδιού
Έλα σ’ εμόν την ψ̌ην |
Από γενεά σε γενεάΣτιχουργοί: Γιάννης Κοροσίδης
Συνθέτες: Παραδοσιακό
Καλλιτέχνες: Γιάννης Παπαγερίδης
Τ’ εμόν η καρδι͜ά και τ’ εσόν είναι κορδυλι͜αγμένα ’Πέραν μαχ̌αίρ’ να κόφ’ν’ ατα, να ζούμε χωριγμένα Έλα πουλί μ’, πουλί μ’ Έλα σ’ εμόν την ψ̌ην Έλα σ’ εμόν την ψ̌ην έι! να ’ίνεσαι τ’ αρνί μ’ Έλα σ’ εμόν την ψ̌ην να ’ίνεσαι τ’ αρνί μ’ Η κάρδια τ’ς άμον παχτσ̌έν, απέσ’ τα τσ̌ιτσ̌εκόπα Φέρω νερόν ποτίζ’ ατα ασ’ τ’ εμά τα δα̤κρόπα Φέρω νερόν ποτίζ’ ατα ας σ’ εμά τα δα̤κρόπα Έλα πουλί μ’, πουλί μ’ Έλα σ’ εμόν την ψ̌ην Έλα σ’ εμόν την ψ̌ην έι! να ’ίνεσαι τ’ αρνί μ’ Έλα σ’ εμόν την ψ̌ην να ’ίνεσαι τ’ αρνί μ’ Έσ̌κισεν κι έρθεν εύρε με απάν’ σο ρακανόπον Εγέλασεν και -ν- είπε με «εσύ -ν- είσαι τ’ αρνόπο μ’» Έλα πουλί μ’, πουλί μ’ Έλα σ’ εμόν την ψ̌ην Έλα σ’ εμόν την ψ̌ην έι! να ’ίνεσαι τ’ αρνί μ’ Έλα σ’ εμόν την ψ̌ην έι! να ’ίνεσαι τ’ αρνί μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απάν’ | πάνω | ||
| απέσ’ | μέσα | ||
| αρνόπο | αρνάκι, χαϊδευτική προσφώνηση γυναίκας | ||
| ας σ’ | (ας σου) από του, από τότε που/αφότου, (ας σο) από το/τα | ||
| ασ’ | από | ||
| ατα | αυτά | ||
| δα̤κρόπα | (υποκορ.) δάκρυα | ||
| εμά | δικά μου | ||
| εμόν | δικός/ή/ό μου | ἐμοῦ | |
| έρθεν | ήρθε | ||
| εσόν | δικός/ή/ό σου | ||
| εύρε | βρήκε | ||
| ’ίνεσαι | γίνεσαι | ||
| μαχ̌αίρ’ | μαχαίρι | ||
| παχτσ̌έν | κήπος, περιβόλι | bahçe/bāġçe | |
| ’πέραν | (επέραν) πήραν | ||
| ποτίζ’ | ποτίζω/ει, δίνω/ει σε κπ να πιει | ||
| ρακανόπον | (υποκορ.) γήλοφος | ||
| τσ̌ιτσ̌εκόπα | λουλουδάκια | çiçek | |
| ψ̌ην | ψυχή |
