Ντ’ εποίκα σε μικρόν αρνί μ’;

Προβολή Τραγουδιού

Καλλιτέχνες: Γιάννης Αραματανίδης, Γιώργος Αμαραντίδης

Ντ’ εποίκα σε, μικρόν αρνί μ’,
τερείς με κρύα-κρύα;
Ζώσ̌κεσαι καταχάλαρα,
φαίνεσαι μερακλία

Όσον ντο θέλτς τυρι͜άνντσον με,
απ’ εσέν ’κι κακίζω
Εσύ κλειδώντς κι εγώ -ν- απέξ’
’ς σ’ οσπίτι σ’ τριγυλίζω

Ας σ’ όλια τα γεμίσ̌ικα
γλυκέα είν’ τα μόρι͜α
Κι άλλο γλυκύν η εγκάλια,
πολλά τσ̌οτίν το χώρι͜α

Κάτ’ έπαθεν τ’ αρνόπο μου
και ντό πολλά -ν- αγρείται!
Εχτέθεν έναν ταπιέτ’
και μετ’ εμέν ’κι κείται

Γλωσσάρι

Κείμενο	Επεξήγηση	Ετυμ. Ρίζα
αγρείται	αγριεύεται, καταβάλλεται από ανεξήγητο φόβο
απέξ’	απέξω
αρνόπο	αρνάκι, χαϊδευτική προσφώνηση γυναίκας
ας σ’	(ας σου) από του, από τότε που/αφότου, (ας σο) από το/τα
γεμίσ̌ικα	οπωρικά, φρούτα	yemiş
γλυκέα	(επιρρ.) γλυκά
γλυκύν	γλυκιά/ό
εγκάλια	αγκαλιά
είν’	(για πληθ.) είναι
εποίκα	έκανα, έφτιαξα	ποιέω-ῶ
εχτέθεν	απέκτησε
ζώσ̌κεσαι	ζώνεσαι, φοράς πάνω σου	ζώννυμι
θέλτς	θέλεις
καταχάλαρα	πολύ χαλαρά
κείται	κείτεται, ξαπλώνει
’κι	δεν	οὐκί<οὐχί
κλειδώντς	κλειδώνεις κτ με κλειδαριά, (αμτβ.) συγκλείνεις, συμπλέκεις
μερακλία	με μεράκι, με ιδιαίτερο ζήλο	meraklı/merāḳ
μετ’	μαζί με (με αιτιατική), με (τρόπος)
μόρι͜α	βατόμουρα	μόρον
όλια	όλα
οσπίτι	σπίτι	hospitium<hospes
πολλά	(επίθ.) πολλά, (επίρρ.) πολύ
’ς	(ας) από
ταπιέτ’	συνήθεια, χαρακτηριστικό, ο χαρακτήρας ενός ανθρώπου	tabiat/ṭabīʿat
τερείς	κοιτάς
τριγυλίζω	τριγυρίζω, περιτριγυρίζω
τσ̌οτίν	σκληρό, δύσκολο	çetin
χώρι͜α	χωριστά