Προβολή Τραγουδιού
Έπαρ’ με, κόρη, έπαρ’ με |
Παραδοσιακά τραγούδια του Πόντου Νο6Στιχουργοί: Γιώργος Αμαραντίδης
Συνθέτες: Παραδοσιακό
Καλλιτέχνες: Γιάννης Αραματανίδης, Γιώργος Αμαραντίδης
Έπαρ’ με, κόρη, έπαρ’ με, μ’ εθαρρείς είμαι γέρος! Σην χαμαιλέτεν έλεθα, είμαι αλευρωμένος Μ’ εθαρρείς είμαι γέρος, είμαι αλευρωμένος Δύο κορτσόπα λούσκουνταν ση ποταμί’ την μέσεν Από μακρά πα εγροίκ’σα το εγάπη μ’ εκειαπέσ’ έν’ Ση ποταμί’ την μέσεν, εγάπη μ’ εκειαπέσ’ έν’ Γουρπάν’ εγώ να ’ίνουμαι σ’ αΐκα μαύρα μάτι͜α Σ’ ατά τιδέν ’κι ταγιανίζ’, όλια ’ίν’νταν κομμάτι͜α Σ’ αΐκα μαύρα μάτι͜α, όλια ’ίν’νταν κομμάτι͜α Πουλί μ’, απόψ’ θα έρχουμαι οξ̌ωκά ας σο δρανί σ’ -ι Ισούλια έλα -ν- ευρήα¹ με, χαπέρ’ μη παίρ’ κανείς -ι Οξ̌ωκά ας σο δρανί σ’ -ι, χαπέρ’ μη παίρ’ κανείς -ι
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αΐκα | τέτοια/ες | ||
| ατά | αυτά | ||
| γουρπάν’ | θυσία | kurban/ḳurbān | |
| δρανί | φεγγίτης, άνω μέρος στέγης, οριζόντια στέγη σπιτιού | ||
| εγάπη | αγάπη | ||
| εγροίκ’σα | κατάλαβα | ||
| εθαρρείς | θαρρείς, νομίζεις, υποθέτεις | ||
| εκειαπέσ’ | εκεί μέσα | ||
| έλεθα | άλεθα | ||
| έν’ | είναι | ||
| έπαρ’ | (προστ.) πάρε | ||
| έρχουμαι | έρχομαι | ||
| ευρήα | βρες | ||
| ’ίν’νταν | γίνονται | ||
| ’ίνουμαι | γίνομαι | ||
| ισούλια | (επιρρ.) ήσυχα, αθόρυβα | usul<uṣūl | |
| ’κι | δεν | οὐκί<οὐχί | |
| κορτσόπα | κοριτσάκια | ||
| λούσκουνταν | λούζονται | ||
| μακρά | (επιρρ.) μακριά, (επιθ.) μακρινά, απομακρυσμένα | ||
| μέσεν | μέση | ||
| όλια | όλα | ||
| οξ̌ωκά | έξω | ||
| πα | πάλι, επίσης, ακόμα | ||
| παίρ’ | παίρνω/ει | ||
| ποταμί’ | ποταμιού | ||
| ταγιανίζ’ | αντέχω/ει, βαστάω/ει, υπομένω/εις | dayanmak | |
| τιδέν | τίποτα | ||
| χαμαιλέτεν | νερόμυλο | ||
| χαπέρ’ | είδηση, νέο | haber/ḫaber |
¹ Δεν υφίσταται τύπος προστακτικής του ευρήκω, ως «ευρήα» αλλά ως «εύρηκον»
