Τερώ το πόι σ’

Προβολή Τραγουδιού

Καλλιτέχνες: Γιάννης Αραματανίδης, Γιώργος Αμαραντίδης

Τερώ το πόι σ’ και πονώ,
τ’ ομμάτι͜α σ’ κι αρρωσταίνω [γιαρ]
Για τ’ εσέναν πάω σον Άδ’
και κλώσκουμαι αναστένω [γιαρ]

Φίλ’ με και τέρεν έναν ξάι
τ’ ομμάτι͜α μ’ ντό θα λέγ’νε [γιαρ]
Με τση/τη χαράς τα δακρόπα
θα αρχινούν να κλαίγ’νε [γιαρ]

Πουλόπο μ’, επουσ̌μάνεψα
μετ’ εσέν ντ’ εγαπέθα [γιαρ]
Εσύ αρ’ εύρες την τσ̌αρέ σ’
κι εγώ ’καρδοπονέθα [γιαρ]

Γλωσσάρι

Κείμενο	Επεξήγηση	Ετυμ. Ρίζα
αναστένω	αναζωογονώ, αναθρέφω/μεγαλώνω (παιδί), ανασταίνω	ἀνίστημι
γιαρ	αγαπητός/ή/ό, αγάπη	yâr
δακρόπα	(υποκορ.) δάκρυα
έναν ξάι	λίγο, μια σταλιά
επουσ̌μάνεψα	μετάνιωσα	pişman olmak<paşmān
εύρες	βρήκες
’καρδοπονέθα	(εκαρδοπονέθα) πόνεσε η καρδιά μου
κλαίγ’νε	κλαίνε
κλώσκουμαι	γυρίζω, επιστρέφω
λέγ’νε	λένε
μετ’	μαζί με (με αιτιατική), με (τρόπος)
ξάι	καθόλου
ομμάτι͜α	μάτια
πόι	ύψος, μπόι	boy
πουλόπο	πουλάκι
τέρεν	(προστ.) κοίταξε
τερώ	κοιτώ
τσ̌αρέ	τρόπος, λύση, θεραπεία	çare/çāre
τση	της
φίλ’	(προστ. φιλώ) φίλα, (πληθ. φίλον) φίλοι