Αδά βρέχ’ κι ακεί βροντά

Προβολή Τραγουδιού

Συνθέτες: Κώστας Καραπαναγιωτίδης, Παραδοσιακό

Καλλιτέχνες: Κώστας Καραπαναγιωτίδης, Μπάμπης Κυρκενίδης

Κα’ έλα, πουλί μ’, κα’ έλα,
κα’ έλα όλον τ’ ορμόπον
Κα’ έλα και αντάμωσον
τη χ̌έρας/χ̌ι͜όρας το κορτσόπον

Αδά βρέχ̌’ κι ακεί βροντά,
νασάν π’ έχ̌’ την τρουφαντά
Χ̌ι͜ονίζ’ και τιπιλεεύει,
νασάν εσέν π’ εξ̌αεύει

Ψηλά - ψηλά εχ̌ι͜όνιζεν
κι εγώ εκαπατεύτα
Και με τη χ̌έρας/χ̌ι͜όρας το κορίτσ’
εγώ εσουμαδεύτα

Αδά βρέχ̌’ κι ακεί βροντά,
νασάν π’ έχ̌’ την τρουφαντά
Χ̌ι͜ονίζ’ και τιπιλεεύει,
νασάν εσέν π’ εξ̌αεύει

Ζαντόν και παλαλόν είμαι
κι ας ση σεβτάν λιγούμαι
’πέρα εσέν την έμορφον
άλλο ’κι παλαλούμαι

Αδά βρέχ̌’ κι ακεί βροντά,
νασάν π’ έχ̌’ την τρουφαντά
Χ̌ι͜ονίζ’ και τιπιλεεύει,
νασάν εσέν π’ εξ̌αεύει

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
ακεί	εκεί
βρέχ̌’	βρέχει
εκαπατεύτα	σκεπάστηκα, καλύφθηκα, κλείστηκα σε κτ	kapatmak
έμορφον	όμορφο
εξ̌αεύει	χαϊδεύει	okşamak
εσουμαδεύτα	αρραβωνιάστηκα
έχ̌’	έχει
ζαντόν	τρελό	σάννας
κα’	κάτω
’κι	δεν	οὐκί<οὐχί
κορτσόπον	κοριτσάκι
λιγούμαι	επιθυμώ κτ σφοδρά, χάνω τις αισθήσεις μου, λιποθυμώ
νασάν	χαρά σε
ορμόπον	μικρό ρυάκι/μικρή ρεματιά
παλαλόν	τρελό
παλαλούμαι	τρελαίνομαι
’πέρα	(επέρα) πήρα
σεβτάν	αγάπη, έρωτα	sevda/sevdā
τιπιλεεύει	κάνει χιονοθύελλα	tipilemek
τρουφαντά	το φρούτο/λαχανικό που ωριμάζει πρώτο στη σεζόν, μτφ το νέο, τα πρωτοεμφανιζόμενο και συνεκδ. η φρέσκια/νέα κοπέλα	turfanda/tervende
χ̌έρας	χήρας
χ̌ι͜ονίζ’	χιονίζει
χ̌ι͜όρας	χήρας