Κιζ-Καλεσί

Προβολή Τραγουδιού

Καλλιτέχνες: Μπάμπης Κεμανετζίδης, Στάθης Νικολαΐδης

Το Κιζ-Καλεσί¹ ψηλόν,
έναν με τον ουρανόν!
Τα κορτσόπα ας σην Πάφραν
έστεσαν εκεί χορόν

Πέντε - έξ’ ας σο Ασάρ,
εφτά ας σο Καπού-Καγιά
Κι έναν δωδεκάχρονον
λες και άμον Παναγιά

Κεστενέ και Καρακιόλ,
με τα δάκρυ͜α είναι όλ’
Το Κιζ-Καλεσί τερούν
και τα ψ̌ήα τουν πονούν

Τα κορτσόπα σο χορόν
κι έναν-έναν σον κρεμόν
Κι ο τερέμπεης ’κ’ εξέρ’,
λυτρωμός έν’ γιά κουρπάν’;
Νε τερέμπεη Χασάν,
λυτρωμός έν’ γιά κουρπάν’;

Το Κιζ-Καλεσί ψηλόν,
εκειαπάν’ έν’ κι ο Θεόν
Τα κορτσόπα σον κρεμόν
ρούζ’νε με χαμόγελον

Το Κιζ-Καλεσί ψηλόν
εκειαπάν’ έν’ κι ο Θεόν
Τα κορτσόπα σον κρεμόν
ρούζ’νε με χαμόγελον

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γιά	είτε, ή	ya/yā
εκειαπάν’	εκεί πάνω
έν’	είναι
έξ’	έξω ή ο αριθμός έξι
εξέρ’	ξέρω/ει, γνωρίζω/ει
έστεσαν	έστησαν
’κ’	δεν	οὐκί<οὐχί
καγιά	βραχώδης τόπος	kaya
κορτσόπα	κοριτσάκια
κουρπάν’	θυσία	kurban/ḳurbān
κρεμόν	γκρεμό
όλ’	όλοι/α
ρούζ’νε	πέφτουν
τερέμπεης	τοπικός άρχοντας, φεουδάρχης	derebeyi
τερούν	κοιτούν
τουν	τους
ψ̌ήα	ψυχές, η περιοχή του στέρνου, τα εσώψυχα

Σημειώσεις

¹ (τουρκ. Kız kalesi) Το κάστρο της κοπέλας