.
.
Άνοιξη μ’, καλοκαίρι μ’,
να φιλώ σε, σ̌εκέρι μ’
Μοθοπώρ’ σο χ̌ερόπο μ’,
χ̌ειμωγκόν σ’ εγκαλιόπο μ’

Εσύ το περιστέρι μ’,
εσύ το φωταχτέρι μ’!
Έλα έμπα σο χ̌έρι μ’,
εσύ είσαι το ταίρι μ’!

Η εγάπ’ έν’ σον κόσμον
του Χριστού η λαλία
Σκουτουλίζ’ ευωδίας,
του ταραήλ’ πλουμία

Άσ’ τον κύρ’ και τη μάναν,
έλα, ψ̌η μ’, μετ’ εμέναν
Εσύ είσαι, τρυγόνα μ’,
τη ζωής ι-μ’ το έναν

Σο ψεύτικον τον κόσμον
’ίνουμες ζευγαρόπον
και σον άλλον τον κόσμον,
σον Παράδεισον τόπον
ΚείμενοΕπεξήγησηΕτυμ. ΡίζαΠροέλευση
άσ’(προστ.) άσε, άφησε
εγάπ’αγάπη
εγκαλιόποαγκαλίτσα
έμπα(προστ.) μπες
έν’είναι
ευωδίαςευωδίες
ζευγαρόπονζευγαράκι
’ίνουμεςγινόμαστε
κύρ’πατέρα
λαλίαλαλιά, φωνή
μετ’μαζί με (με αιτιατική), με (τρόπος)
μοθοπώρ’φθινόπωρο
πλουμίακεντητά ή ζωγραφιστά διακοσμητικά σχέδια, μτφ. στολίδια pluma it
σ̌εκέριζάχαρη, γλυκό/ά şeker < şakar (περσ.) < śakkharā (οψ. σανσκ.) < śárkarā (σανσκριτ.) tririn
σκουτουλίζ’ευωδιάζει, μοσχοβολάει
ταραήλ’(αιτ.) ουράνιο τόξο, (γεν.) ουράνιου τόξου
τρυγόνατο πουλί τρυγόνι, χαϊδευτική προσφώνηση γυναίκας τρυγών < τρύζω gr
φωταχτέριαπαστράπτον, λαμπερό, μτφ. όμορφο
χ̌ειμωγκόν(ονομ.) χειμώνας, (γεν.) χειμώνα
χ̌ερόποχεράκι
ψ̌ηψυχή
ΚείμενοΕπεξήγησηΕτυμ. ΡίζαΠροέλ.
άσ’(προστ.) άσε, άφησε
εγάπ’αγάπη
εγκαλιόποαγκαλίτσα
έμπα(προστ.) μπες
έν’είναι
ευωδίαςευωδίες
ζευγαρόπονζευγαράκι
’ίνουμεςγινόμαστε
κύρ’πατέρα
λαλίαλαλιά, φωνή
μετ’μαζί με (με αιτιατική), με (τρόπος)
μοθοπώρ’φθινόπωρο
πλουμίακεντητά ή ζωγραφιστά διακοσμητικά σχέδια, μτφ. στολίδια pluma it
σ̌εκέριζάχαρη, γλυκό/ά şeker < şakar (περσ.) < śakkharā (οψ. σανσκ.) < śárkarā (σανσκριτ.) tririn
σκουτουλίζ’ευωδιάζει, μοσχοβολάει
ταραήλ’(αιτ.) ουράνιο τόξο, (γεν.) ουράνιου τόξου
τρυγόνατο πουλί τρυγόνι, χαϊδευτική προσφώνηση γυναίκας τρυγών < τρύζω gr
φωταχτέριαπαστράπτον, λαμπερό, μτφ. όμορφο
χ̌ειμωγκόν(ονομ.) χειμώνας, (γεν.) χειμώνα
χ̌ερόποχεράκι
ψ̌ηψυχή
Άνοιξη μ’, καλοκαίρι μ’

Ποντιακός Στίχος - Pontian Lyrics 2026

Επικοινωνία: infoDUMMY@pontianlyrics.gr

Με την ευγενική χορηγία φιλοξενίας της IpHost