Απανωθύρ’ χαμέλυνον

Προβολή Τραγουδιού

Καλλιτέχνες: Αλέξανδρος Παρχαρίδης, Παναγιώτης Κογκαλίδης

Απανωθύρ’ χαμέλυνον
και κατωθύρ’ έλ’ άνθεν
Να μη εχωρώ κι εβγαίνω έξ’,
τ’ εμόν τ’ αρνίν ’κ’ εφάνθεν

Λαλέστεν και ας έρχουνταν
τση γης τα παλληκάρι͜α
Ας κουβαλούν σ’ ωμία τουν
πελεκετά λιθάρι͜α

Αρμώστεν τα παράθυρα,
ήλιος να μη εμπαίνει
Μενέστε͜ ατεν, τα στράτας -ι-μ’
άλλο να μη δι͜αβαίνει!

Ας λέν’ τα χ̌ι͜όνι͜α ελύγανε
κι η άνοιξη εσέβεν
Εμέναν αν καλορωτούν,
ο χ̌ειμωγκόντς ’κ’ εξέβεν

Γλωσσάρι

Κείμενο	Επεξήγηση	Ετυμ. Ρίζα
άνθεν	επάνω, από πάνω
απανωθύρ’	ανώφλι, οριζόντιο δοκάρι, από ξύλο, πέτρα ή μέταλλο, που αποτελεί το πάνω μέρος ενός ανοίγματος τοίχου και συγκρατεί την τοιχοποιία
αρμώστεν	(προστ.) προσαρμόστε, συναρμόστε, κλείστε καλά
ατεν	αυτήν
δι͜αβαίνει	(για τόπο) περνάει, διασχίζει, (για χρόνο) περνάει (γενικότερα) περνάει, παύει, τελειώνει	διαβαίνω
ελύγανε	έλιωσαν
εμόν	δικός/ή/ό μου	ἐμοῦ
έξ’	έξω ή ο αριθμός έξι
εξέβεν	βγήκε, ανέβηκε
έρχουνταν	έρχονται
εσέβεν	μπήκε
εφάνθεν	φάνηκε, εμφανίστηκε
εχωρώ	χωράω
’κ’	δεν	οὐκί<οὐχί
κατωθύρ’	κατώφλι, η παράπλευρη και κάτω ξύλινη δοκός της πόρτας, ο πρόδρομος
λαλέστεν	(προστ.) βγάλτε λαλιά, καλέστε, αποκαλέστε, προσκαλέστε, οδηγήστε
λιθάρι͜α	λιθάρια, πέτρες
μενέστε	(προστ.) ειδοποιήστε, στείλετε μήνυμα, πληροφορήστε, παραγγείλετε	μηνύω
πελεκετά	πελεκημένα
στράτας	(ονομ.) δρόμοι, (αιτ.) δρόμους
τουν	τους
τση	της
χ̌ειμωγκόντς	χειμώνας
χαμέλυνον	χαμήλωσε
ωμία	ώμοι